Ahad, 12 Februari 2012

11 di marudi sarawak - Google Blog Search

11 di marudi sarawak - Google Blog Search

Pal BN ke nganti papan SPDP <b>di Marudi</b> ngenyimaka ati penyukung <b>...</b>

Posted: 13 Dec 2011 03:59 PM PST

Posted on December 14, 2011, Wednesday

KUCHING: Kes papan pal ke ngelaika opis Parti Demokratik Progresif (SPDP) di Marudi ke diturun sereta diganti enggau pal 'Barisan Nasional' (BN) udah diriput ngagai indu opis BN.

Seiku pemesai ari parti nya empu (ke enggai nama iya di sebut ditu) madah, taja pen papan pal nya diganti nyadi pal BN, nya utai ke manah, ku orang nya.

"Kami enda nyakal pengawa nya (nukar papan pal ngagai pal BN) tang semina kami deka nemu aja enti wakil rayat N.66 udah minta pemendar ari Indu Opis BN nganti pal nya, laban ti ditemu kami, sigi nadai peminta ari wakil rayat nya ngelekatka pal tanda 'BN' dia," ku iya.

Orang nya nanya baru, enti sema penyandang Kaban Parlimen (MP) Baram, Datuk Jacob Dungau Sagan ngantung papan pal nitihka lambang BN-SPDP, bakani ku gaya nya, ku orang nya.

"Siti ni ke patut agi? Lalu siti ni ke dikemendar?

"Kami ulih mantah utai ke digaga raban pemesai parti kami (SPDP) ke suba tang kami enggai ngaga iya baka nya laban agi bebasa ke iya. Tang ke diatu, utai ke ngirauka ati kami laban penyukung pen diirit ngagai penanggul dalam parti.

"Kami deka penyukung kami tetap beserakup sereta tegap. Beri timpuh ngagai parti mutarka penanggul nya dulu, lalu ngarapka bala penyukung enda diirit bebalut enggau penyarut nya.

"Kami benung mutarka penanggul nya….Ukai betapi penanggul ari penyukung. Kami nadai muai komiti parti ba pampang opis kami serata menua tu, lalu nadai udah meda bisi riput komiti ke kena buai ba pampang opis parti," ku iya.

Lebuh ditanya ngagai orang nya baru, enti ADUN Marudi Datuk Sylvester Entri berasai enda lantang ati ketegal iya kena buai ari parti, ku orang nya:

"Iya enda nemu utai ke datai nunutung iya, laban kumbai iya 'pemuntul lubang nya terang'.

"Baka ke udah disebut aku dulu tadi, mayuh macham utai tau nyadi dalam politik. Pemutus digaga kunsil besai parti (komiti disiplin) ke dibacha pemutus nya ngagai 'orang' nya empu, bekaul enggau penyalah iya.

"Ketegal penyalah iya nya, iya nadai agi enggau SPDP tang mengkang nyadi BN Bebas, baka nya ku jaku orang," ku iya.

Kelimpah ari nya, ku orang nya baru, parti semina deka nemu enti wakil rayat nya bisi minta pemendar ari komiti liaison BN (Datuk Jacob Dungau Sagan) ke nyadi Chairman N66 & N67 (Baram enggau Telang Usan) sebedau iya nganti papan pal nya?

"Enti sema sida lima iku tu madahka sida iya tetap tegap enggau BN, sapa ke BN ku sida?

"Bisi 13 buah parti nyengkaum SPDP dalam BN. Sapa ke nyadi Chairman? Sapa ke nyadi Mandal Chairman? Nyangka sida iya enda ingatka chairman SPDP Tan Sri William Mawan Ikom nya mega Mandal Chairman BN ke Perintah Besai enggau Menua. Enti jaku sida madahka sida tetap nyukung BN? Sida pen patut nyukung Mawan.

"Nemu ke enda utai ke disebut sida iya empu? Enti sida iya madahka diri tetap nyukung penyakal kini, nya nyangka nadai bekaul enggau BN. Nyangka sida tu agi bingung, bedau ulih berunding," ku orang nya.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads