Selasa, 7 Februari 2012

11 di marudi sarawak - Google Blog Search

11 di marudi sarawak - Google Blog Search

Benasit <b>Marudi</b> enda bah | BorneoPost Online | Borneo , Malaysia <b>...</b>

Posted: 30 Dec 2011 11:25 AM PST

Posted on December 31, 2011, Saturday

Tikas ai Sungai Baram, Tinjar enggau Tutoh Apoh mengkang baka selama lalu enda ngeruga ati

MARUDI: Pengujung taun 2011 pan udah sangkai, lalu maya ujung taun baka tu Pasar Marudi ke suah kena penusah ampuh bah benasit manah laban ujung taun tu gaya hari dipeda manah taja pan bisi ujan menggal mimit tang nya nadai ngirau ati genturung orang di Marudi .

Tikas ai Sungai Baram, Tinjar enggau Tutoh Apoh mengkang baka selama lalu nitihka tikas ai ba tebing Sungai Baram tau dikira endabah taun tu.

Lebuh ke ditelefon, Pemesai Pelilih Menua Marudi, Tuan D.O Joseph Belayong, madah ke tikas ai nya enda ngeruga ati indah nyau langkang.

"Nitihka gaya hari pan dipeda nyau baka ti deka kemarau maya diatu. Pelaba aku, anang irauka bah laban tikas ai baka selama," ku Joseph Belayong.

Marudi bisi lain ari menua bukai di Sarawak taun tu, enti kita macha surat berita, mayuh bengkah menua dituntung penusah ampuh bah, ambika banding baka di Lundu, Kuching, Bau, Sebuyau enggau di Sibu , mayuh orang udah di pindah ngagai endur ke tinggi, tang seninjik penusah tu enda ngelekai ngagai Marudi.

Bala orang di Marudi endang besampi belama ngagai Petara, awakka ujung taun tu pasar Marudi enda kena ampuh bah .

Maya Kristmas tu tadi nadai ujan bangat nya ti ngemuntangka bala mensia ngabang Hari Kristmas, enti dibanding enggau menua bukai orang ngabang dalam ujan disempulang enggau ribut tauka kudi .

Maya Kristmas tu ke nyadi penanggul nya Jalai raya Miri-Marudi amat jai lalu enda ulih ditengah kerita ke mit laban bisi endur kelalu luchak, belubang besai sereta dalam laban ke enda diadu Kontrektor ke diberi tanggung pengawa ngadu iya.

Bisi ba sesebengkah endur lubang ba arung jalai alun bisi penalam tiga kaki , baka ni kerita mit tau nengah nya . Taja pan mayuh bala udah bisi langgur mulaika diri ngena kerita diri maya Kristmas tang tau enda nyadi laban jalai Miri-Marudi kelalu jai.

Enti ulih raban Kontrektor ke endang dipadu ngaga Jalai ke beungkus RM60 juta nya aruh ngemanahka jalai nya genap hari, taja pan bedau dibelakin asal ulih ditengah, pia ku siku Deriba ke ngangkut penumpang tiap hari ari Miri – Marudi , Pia Ko Kuang.

Kekadang kami kasih meda sida ke ngena kereta mit tang enti sida lekat ba jalai , kami ga betulung narit kerita sida.

Ku jaku nyamai bisi jalai tang mai penusah , pia ku putap sekeda penguna jalai alun dia.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads