Sabtu, 8 Oktober 2011

11 di lubok antu sarawak - Google Blog Search

11 di lubok antu sarawak - Google Blog Search


Pengelikun sereta kaul ke tegap nyungkak penatai temuai, ku <b>...</b>

Posted: 04 Oct 2011 07:01 PM PDT

Posted on October 5, 2011, Wednesday

FRANCIS HARDEN

SRI AMAN: Berindik ari menua Malaysia tu ti pegari likun, nya ke ngasuh iya suah digusung temuai ari menua tasik sereta nyadi palan dagang temuai ti dikerindu.

Menteri Muda Pemansang Menua Pesisir Sarawak Datuk Francis Harden Hollis madah, Malaysia mega bisi nama ba pekara adat enggau main asal sereta kaul ke tegap seruran dikemeranka rayat ari genap pupu raban bansa ke diau di menua tu.

"Ketegal ari penelap ati sereta penemu bebatak asur ke dikemerat genap raban bansa di menua tu, nya ke ngasuh menua tu nyelai lalu likun.

"Genap iku temuai ari menua tasik datai kitu, udah tentu sida mai pulai cherita pengaga enggau penelap rayat ditu ngagai menua sida," ku iya.

Iya ke mega Menteri Muda Pengawa Berumah bejaku munyi nya lebuh bejadika Pengerami Makai Malam 1Nada Sepakat Komuniti 1Malaysia enggau Jasamu Dikenang ke diatur Opis Pemadah Malaysia Pelilih Sri Aman enggau Pelilih Mit Lubok Antu ba Stadium Mini ngimbai Sri Aman malam ensana.

"Perintah endang ngarapka kaul entara raban bansa di menua tu majak manah sereta dikemerat belama.

"Enggau penumbuh Kominiti 1Malaysia ke mungkur pupu raban bansa seruran bepegai ba penegap kaul sereta kerejasama entara rayat diintu belama," ku iya.

Berebak enggau nya ku iya, genap raban Komuniti 1Malaysia patut ngemeranka penau sereta peneleba baik nya ba pekara politik, ekonomi sereta nerenak pemanah ulah ke senyata dikena ngerembaika penemu ngagai raban ke ngelingi sida.

"Kitai pechaya, penumbuh Komuniti 1Malaysia tu ulih nyadika kah penegap kaul rayat ari genap pupu raban bansa ngambika ulih nyapai juluk deka nempa menua tu nyadi sebengkah menua ke mujur sereta likun," ku iya.

Ari nya, besaup mih kitai ngemansangka menua ngambika pengelantang sereta pemujur ulih disepi magang.

Bela bisi ngulu pengawa nya, Pemesai Opis Pelilih Mit Sri Aman Ismawi Salleh, Pemesai Opis Pemadah Pelilih Sri Aman, Saini Bojeng, Pemesai Opis Pemadah Pelilih Mit Sri Aman, Fachrio Ferdiansyah Abdillah, ketuai opis perintah sereta raban Komuniti 1Malaysia.

Nyerumba nya mega, pengawa nya mega diumba Pekit Sukaneka Piala Pusingan Komuniti 1Malaysia enggau Pekit Futsal Piala Pusingan Komuniti 1Malaysia, Opis Pemadah Malaysia Pelilih Sri Aman.

Bisi sepuluh buah Komuniti 1Malaysia ngambi bagi ba kededua progrem nya ke alai enam buah Komuniti 1Malaysia ari Pelilih Mit Sri Aman lalu empat ke bukai ari Pelilih Mit Lubok Antu.

Dulu ari nya, kededua pekit nya diatur ba Stadium Kompleks Sukan Pelilih Sri Aman adapka pagi ensana lalu pengawa nyuaka perais diatur ba Mini Stadium.

Tiada ulasan:

Catat Ulasan

ads