Ahad, 4 September 2011

11 di lubok antu sarawak - Google Blog Search

11 di lubok antu sarawak - Google Blog Search

Dr Rayong enggau Nyalau ngamatka danji <b>di</b> Pelasok | BorneoPost <b>...</b>

Posted: 22 Aug 2011 08:13 PM PDT

Posted on August 23, 2011, Tuesday

ENGKILILI: Kaban Parlimen Lubok Antu William Nyalau ak Badak enggau Kaban Kunsil Nengeri (ADUN) Engkilili Dr Johnical Rayong Ngipa udah nyuaka tulung perintah RM209,500 kena nyeruri 419 pintu bilik ari 18 kayu rumah panjai ba Pelasok.

Ari duit tulung nya dia tiap ruang bilik diungkupka RM500.

Ku Dr Rayong, duit tulung tu disemayaka lebuh pengawa bepilih besai menua tu tadi.

Nyadi tu madangka perintah Barisan Nasional (BN) enda bebulaka semaya enggau rayat.

"Aku arapka duit tulung tu dikena meli perengka kena ngeripir rumah tauka dikena ngaduka pekara bukai ti beguna ba kita ," ku iya.

Iya bejaku munyi nya ba Pengerami Ketuai Begulai enggau Rayat ti diatur Komiti Pemansang enggau Pengelikun Genturung Pendiau (JKKK) Tr Mani, Pelasok ba Balai Raya Skim Skrang, kena Hari Enam tu tadi.

Pengerami nya udah dipejadika Kaban Parlimen Lubok Antu William Nyalau ak Badak.

Nyerumba pengerami nya, Dr Rayong udah ngungkupka belanja Projek Mit Pemansang Menua Pesisir (MRP) RM300 sepintu, lalu Nyalau meri RM1000 sepintu ngagai 36 pintu bilik ba rumah panjai Mani, Pelasok kena nulung sida serumah ngaga rumah baru sepengudah rumah lama sida iya dituntung penusah angus dalam taun 2008 suba.

Ku Dr Rayong, penegap politik enggau penyerakup rayat nyadika tulang belakang pemujur semua projek pemansang ba menua tu.

Dua pekara tu pemadu beguna ngambika perintah ulih bejalaika mayuh bengkah projek pemansang ungkup rayat sekalika ba kandang nengeri tauka menua pesisir.

Ku iya, menua pesisir agi begunaka projek pemansang ari perintah BN. Berindik ari kededua kebuah nya tadi patut dipegai kena ngerembaika pemansang ba menua tu.

"Aku minta semua rayat enda ngira penatai, bansa enggau jalai pengarap patut bekerejasama nentuka semua agenda pemansang ari perintah terus diberi sereta diterima ba DUN Engkilili tu ila," ku iya.

Sama bisi enggau ngulu pengerami nya Pemesai ari Opis Pelilih Mit menua Lubok Antu Encik Jack Aman anak Luat, bala raban opis Pelilih Mit Menua Engkilili enggau bala ketuai raban bansa ba genturung menua Engkilili.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads