Rabu, 9 Januari 2013

11 di sri aman sarawak - Google Blog Search

11 di sri aman sarawak - Google Blog Search

Parti ti ngarika PR ba <b>Sri Aman</b> bedau bisi pemutus – BorneoPost <b>...</b>

Posted: 08 Jan 2013 02:58 PM PST

Posted on January 9, 2013, Wednesday

KUCHING: Bagi parti ke mai menira Pakatan Rakyat (PR) ba Sri Aman agi mengkang bedau bisi pemutus.

Lebuh meda pengawa ke udah digaga kenyau ari beberapa taun ke udah, chalun ke aruh diambi nya kepala DAP pampang Sri Aman Leon Jimat Donald ke udah chakah bejalai ngelawa redak sereta udah mega mantu mantai penusah ke nekul mensia mayuh dalam sitak dia.

Tang taja pia bisi berita  Parti Keadilan Rakyat (PKR) mega ngining penuduk nya kelebih agi pengudah seiku personaliti nya bekau menijer besai Sarawak Forestry Wilfred Landong udah masuk parti.

Leon, lebuh ke dipinta meri penemu ba pekara politik ke nyadi diatu, enda irau ati lalu nyemetakka penerang nya opis DAP di Sri Aman udah lama meri servis.

"Aku nadai komen ba PKR. Semina aku madah aku udah chakah bejalai  seraya kimpin, ngelawa rumah panjai ba sitak nya. Opis aku buka tujuh hari seminggu, enti sema aku nadai ba opis, henfon aku semampai buka ngambika nyamai orang ngiga aku.

"DAP Sri Aman bisi staf ke gawa penuh maya enggau sekeda volunteer ke mantu tujuh hari seminggu  mending lalu mutarka kompelin rayat ke dibai ngagai sida," ku iya.

Leon, datai ari ruang bilik politik, masuk DAP dalam Januari 2009 kala bediri di Simanggang ba pengawa bepilih betapi enggau Francis Harden Hollis ari BN-SUPP.

Taja pan enda mujur, Leon, 38, enda medah ngereja pengawa ba sitak tu lalu dipeda tebilang tegal suah ngelawa rumah panjai enggau genturung pendiau dia ninting minggu.

Graduate dalam BA (hons) Business Administration ari Bolton University, Manchester diberi sukung ari apai iya empu ke udah tiga renggat nyadi Kaban Parlimen (MP)  Sri Aman Jimmy Donald ari DAP.

Lebuh ke bejaku ba Serian sekretari besai DAP Lim Kit Siang udah meri pemendar ngagai Leon mai menira PR betapi enggau Barisan Nasional di  Sri Aman.

Ba kaul bukai, Wilfred enda bula ngining Sri Aman taja iya manggai pekara tu ba tuai parti meri pemutus sapa ke patut nyadi chalun.

Iya ngenyitka ati mensia mayuh lebuh ti masuk PKR laban suah dipeda sempil enggau perintah sereta raban politik BN lebuh ke gawa semilan taun enggau Sarawak Forestry.

Ba interviu bedau lama ke udah, orang ubas 56 taun ke ngenggam masters of marketing degree ari United Kingdom, madahka iya udah ngambi penemu deka bediri nyebut sitak parlimen Sri Aman enggi PKR laban nya sitak tebal bansa Iban.

Iya nyebut tu laban tebal raban PKR di Sarawak nya Dayak nyengkaum bansa Iban. Ba tenung iya PR deka numbuhka perintah besai udah pengawa bepilih tu ila.

PR bedau nyimpul tusun penuduk ari tiga bengkah parti nya DAP, PKR enggau PAS ungkup 31 bengkah penuduk parlimen di nengeri tu. DAP enggau PKR bedau mutarka ambu penuduk nyengkaum Sri Aman.

Maya ke diatu, semina dua bengkah penuduk parlimen aja ke diarika PR iya nya Bandar Kuching enggau Sibu sama bela pegai DAP.

To enable your comment to be published, please refrain from vulgar language, insidious, seditious or slanderous remarks. This includes vulgar user names.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads