Rabu, 19 Disember 2012

11 di sibu sarawak - Google Blog Search

11 di sibu sarawak - Google Blog Search

Pemakai <b>di</b> menua tu ulih nyaup ngelakuka dagang temuai: Tiong <b>...</b>

Posted: 18 Dec 2012 04:21 PM PST

Posted on December 19, 2012, Wednesday

NYAMAI TU…: Tiong (tengah) enggau temuai bukai maya nguji sebengkah ari bansa pemakai ke bisi dipandangka maya karnival nya.

SIBU: Sektor dagang temuai patut ngemeratka bansa pemakai ke engkeman dikelaluka ba nengeri tu, ku Chairman Opis Kunsil Sibu (SMC) Datuk Tiong Thai King.

Ku iya, nengeri tu ngembuan mayuh pupu raban bansa ti bisi ngembuan bansa pemakai ti bebida lalu tau bendar matak temuai ari luar datai nemuai ngagai nengeri tu.

"Nengeri tu tau nyadi palan temuai bepelasarka bansa pemakai ari pupu raban bansa lalu nyaup nyungkak tikas penatai pemisi menua," pia ku iya madah.

Iya mantaika penemu nya maya bejadika Karnival Makanan 1Malaysia 2012 ke diatur ba Dataran Bandar Sibu Fasa II, malam ensana.

Karnival tu ditengkebang Opis Menteri Dagang Temuai Malaysia, Gerempung Raban Bedaja Mit Malaysia, Gerempung Raban Bedaja Sarawak enggau Persekutuan Tujuh Persatuan Klan Cina Sibu lalu bela disukung Gerempung Raban Bedaja Sibu enggau Pelilih Meradong.

Nampung jaku iya baru, Tiong ti mega Kaban Parlimen Lanang ngarapka opis tauka ijinsi ke bekaul ulih mantu pengerami baka nya ngambika besai agi nyentukka datai ba renggat entarabansa seririh enggau tuju ngangkatka Sarawak nyadi menua keterubah alai nemuai bepelasarka produk barang pemakai di Malaysia.

"Kelimpah ari Sibu, karnival tu mega bisi diatur ba beberapa iti sitak di nengeri tu.

"Nya alai, nadai kebuah Sarawak enda ulih angkat ari sektor dagang temuai nengah barang pemakai ti bemacham bansa.

Berindik ari pekara nya mega, ku Tiong, karnival nya tau diatur ninting taun dikena narit temuai ari luar Sibu.

Karnival ti disempulang 100 buah seruyuk bejualka macham bansa pemakai tu diatur ba pengelama 23 hari berengkah 15 Disember tu tadi lalu badu kena 6 Januari deka datai.

Kelimpah ari nyual pemakai, bala ke bisi datai mega diperindang enggau artis tebilang Iban.

Bela bisi datai maya pengerami nya, Sapit Chairman SMC Daniel Ngieng, Temenggung Vincent Lau, Chairman Gerempung Raban Bedaja Sarawak Kapitan Lim Sin Khee, Eksekutif Opis Dagang Temuai Sibu Rudy Anoi enggau chairman pengatur pengerami Ting Chuong Chiok.

To enable your comment to be published, please refrain from vulgar language, insidious, seditious or slanderous remarks. This includes vulgar user names.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads