Isnin, 10 Disember 2012

11 di serian sarawak - Google Blog Search

11 di serian sarawak - Google Blog Search

Sitak Sri Aman enda &#39;aman&#39; maya PRU13, ku Leon Jimat <b>...</b>

Posted: 06 Dec 2012 02:56 PM PST

Posted on December 7, 2012, Friday

KUCHING: Sri Aman mai reti 'aman' ba jaku Melayu, tang sitak tu enda baka munyika jaku nya ba maya pengawa bepilih besai (PRU) Ke-13 ti deka datai ketegal dipelaba deka dikerebut mayuh chalun.

Ngasuh pekara tu majak diker­indu, Parti Peace ke bedau dikemendar direjister Opis Pengerejister Gerempung (ROS) bela ngining penuduk Sri Aman lalu deka nganjung chalun bediri nengah tikit ngatika diri.

Protem Sapit Presiden Marcus Kanyong madah iya udah 80 persin deka bediri berindik ke udah nerima sukung ke manah ari rayat (pengundi).

"Maya ke diatu, parti benung nganti surat ari Opis Menteri Dalam Menua (KDN) tang taja pan pia semua tu enda ngeruga semengat kami.

"Nitihka timbal ari mensia mayuh sepengudah bejalai ngu­sung sekeda genturung pendiau dalam timpuh lima bulan ke udah, tebal agi orang ke enggau betemu ngansak aku bediri nen­gah tikit ngatika diri dulu,"ku iya kemari.

Ngangkatka rambai jaku perin­tah Barisan Nasional (BN) 'Rakyat Didahulukan Pencapa­ian Diutamakan', orang dagang ke beumur 48 taun nya madah peminta ari orang nya udah ngansak iya netapka pemutus deka bediri.

Iya mega madah 60 persin genturung pendiau di sitak Sri Aman udah digusung lalu netapka diri deka nemuai ngagai mayuh agi rumah panjai nguli­hka sukung.

Nyaut tanya, iya enda nyangkal Parti Peach engka deka nganjung chalun ba penuduk ke bukai lalu iya nyadang Kepala Pemadah parti Pok Ungkut deka bediri di Serian.

Marcus ukai baru dalam dunya politik Sri Aman, iya kala bediri di sitak Kunsil Nengeri (DUN) Bukit Begunan ba taun 2011 nge­laban Datuk Mong Dagang.Maya nya empat iku chalun ngerebut penuduk nya.

Bediri nengah tikit State Re­form Party (STAR), iya teulihka 1,793 undi lalu Mong bulih 4,669 menang nengah majoriti 2,876 undi. Marcus enda lenyau duit cengkeram enti dibandingka enggau dua iku chalun bukai ngatika diri Maxwell Rojis (474 undi) enggau Lawrence Lendang Ambu (117 undi).

Nitihka gaya politik maya ke diatu, sitak sri Aman deka diperebut enda kurang ari enam chalun ke alai Masir Kujat ti ngarika BN deka ngelaban lima iku chalun bukai.

Masir ke nyadi seiku kaban kunsil suprem Parti Rayat Sarawak (PRS), deka ngenanka penuduk nya ke dikuasa iya sepengudah ngalahka Cobbold John Lusoi (ngatika diri) nengah majoriti 4,252 ba taun 2008.

Pakatan Rakyat (PR) disadang deka nyabung chairman DAP Sri Aman Leon Jimat Donald sepen­gudah iya nerima pemendar ari sekretari besai parti Lim Guan Eng ba sebengkah gempuru di Serian hari Enam tu tadi.

Parti Pekereja Sarawak (SWP), ke merambu nganjung chalun bediri ba semua enam sitak ke dikuasa PRS bedau netapka pe­mutus antara William Pilo tauka Andy Lawrence.

Seiku orang dagang Donald Lawan ti kala bekaling enggau Masir mega dipelaba bediri nen­gah tikit ngatika diri sepengudah iya ransing bejalai betemu enggau rayat ngelamatu.

Sitak nya mega disadang dik­erebut chalun ari Parti Keadilan Rayat (PKR) ke dulu suba ke alai Cobbold mega engka bediri nengah tikit ngatika diri.

Leon, lebuh dikerandau per­chaya urung lima tauka enam chalun deka bediri ngerebut pe­nuduk nya lalu madahka mayuh agi chalun, rami agi pengawa bepilih.

Iya ngarapka bala pengundi udah chukup lanjau lalu ngundi chalun ti ngarika parti politik.

"Aku ngasai sistem dua parti patut ditumbuhka, iya nya BN ngelaban Pakatan Rakyat. Sigi enda ulih disangkal chalun nga­tika diri bisi hak enggau pengawa bepilih, tang pemaik rayat manah agi servis parti politik, BN tauka PR,'ku iya.

To enable your comment to be published, please refrain from vulgar language, insidious, seditious or slanderous remarks. This includes vulgar user names.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads