Sabtu, 15 Disember 2012

11 di daro sarawak - Google Blog Search

11 di daro sarawak - Google Blog Search

Pelilih Jemoreng, <b>Daro</b> begunaka lutur ke landik ba sesebengkah <b>...</b>

Posted: 21 Nov 2012 03:33 PM PST

Posted on November 22, 2012, Thursday

KUCHING: Sepital Daro diatu amat begunaka servis lutur specialist dikena napi penanggul pesakit ti beguna perubat jampat enggau kes kritikal, tambah mega sitak Kunsil Nengeri (DUN) Jemoreng enggau DUN Daro bekunsika servis pengerai ari sepital nya.

Kaban Kunsil Nengeri (ADUN) Jamoreng, Abu Seman Jahwie madahka, penyauh Matu enggau Daro iya nya 25 kilometer.

"Sepital Daro diatu amat begunaka servis lutur specialist dikena napi penusah pesakit ti begunaka perubat tekalanya sereta kes kritikal. Tambah mega, rayat ba sitak Daro enggau Matu bekunsika servis pengerai Sepital Daro.

"Sepemanjai taun 2011 bisi 167 pesakit dianjung ngena bot enggau ambulan ngambika diperubat ba Sepital Sibu. Penyampau nya nambah ngagai 250 pesakit sepemanjai timpuh Januari ngagai November 2012," ku iya ti madahka diri nyukung bajet 2013.

Abu mansutka pekara nya lebuh iya bejuraika Bajet 2013 ti dibantaika Kepala Menteri maya Aum Kedua Renggat Kedua, Aum Kunsil Nengeri Ketujuh Belas ti diatur ba Kunsil Nengeri Kemari.

Bejaku baru iya madahka penyauh Sepital Daro enggau Sibu mega ulih ngeruga pengelikun orang ti dianjung berubat ke Sibu , nyema enda ulih diperubat ba Sepital Daro.

"Kelimpah penyauh Sepital Daro enggau Sibu, kitai mega irauka penanggul baka pengelaun feri di Daro.

"Lebih ngirauka kitai enti nyema pesakit dianjung ngena perau maya malam hari," ku iya.

Nambahka nya iya mega ngarapka Tangki Ai 1Malaysia diagih sereta dianjung jampat ngagai rumah panjai sereta genturung pendiau ba kandang nebing Sungai Igan.

Iya madahka rumah panjai enggau genturung pendiau ba kandang menua nya diatu agi bepanggai ba ai ujan.

"Kitai mega minta rumah panjai sereta genturung pendiau ba kandang nebing Sungai Igan dibekalka lekterik, laban ke diatu sida agi ngena injin generator," ku Abu.

To enable your comment to be published, please refrain from vulgar language, insidious, seditious or slanderous remarks. This includes vulgar user names.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads