Selasa, 21 Februari 2012

11 di betong sarawak - Google Blog Search

11 di betong sarawak - Google Blog Search

Semua TASKA patut seruran bejejaga nyeliahka pengelekai HFMD <b>...</b>

Posted: 21 Feb 2012 04:41 PM PST

by Rengenyan Labang. Posted on February 22, 2012, Wednesday

FATIMAH

KUCHING: Menteri Pengintu Pengelantang, Orang Indu enggau Pemansang Ruang Bilik ngelalau Sekula Pengintu Anak Mit (TASKA) Sarawak ngambika seruran bejejaga ari pengelekai penyakit kaki, jari enggau mulut (HFMD) ti majak nyadi.

Menteri iya, Datuk Fatimah Abdullah madah, pengibun TASKA patut ngemeratka pemeresi sekula enggau pengerai nembiak.

"Gerempung TASKA Sarawak patut bejejaga ari penyakit HFMD. Pekara ti patut dikemeratka TASKA iya nya meresa pengerai nembiak dulu sebedau dibai tama ke dalam kelas.

"Ambika banding, asuh nembiak nya duduk ba kerusi ti endang udah diungkup sereta disediaka ba luar kelas, udah nya pengibun patut ngabas pengerai tubuh, jari sereta kaki. Enti nyema nembiak nya ditemu bisi tabin, nembiak nya patut diasuh bai apai indai sida pulai, dikena nyeliahka ari ngelekai ngagai nembiak bukai," ku Fatimah.

 Iya masutka penerang nya lebuh ditanya bekaul enggau penyakit HFMD ke majak ngelekai ba nengeri tu lalu tebal agi nuntung anak mit, ba sebengkah aum pengarang berita ditu, pagi kemari.

Kelimpah ari ti nyaga pemeresi, iya mega ngelalau apai indai ngambika enda mai anak sida bejalai ngagai palan ti sekut sereta selalu dilawa mensia mayuh.

Dalam surat berita kemari ngeriputka, penyakit HFMD ba nengeri tu bisi 609 bengkah kes dalam timpuh 1 Januari ngagai 14 Februari 2012 enti dibandingka 213 kes ba timpuh ke sebaka taun nyin kemari.

Nitihka penerang ari Direktor Opis Pengerai Nengeri Sarawak Dr Zulkifli Jantan madahka: "Kandang menua tu ngerikutka penyampau kes HFMD iya nya Kuching bisi 189 kes lalu ditangkanka Bintulu (73), Miri (51), Betong (48) enggau Sarikei (36).

"Taja pia Opis Pengerai Sarawak madah, penyakit nya ngelekai di Kuching, Samarahan enggau Betong," ku iya.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads