Isnin, 28 April 2014

11 di betong sarawak - Google Blog Search

11 di betong sarawak - Google Blog Search


Program bejualka asil pengelandik jari diatur <b>di Betong</b> kena 4-5 April

Posted: 01 Apr 2014 03:53 PM PDT

KUCHING: Kaunsil Pemansang Asil Pengelandik Jari Malaysia Pampang Sarawak deka ngatur program ke dikumbai "Jualan dari but kereta' kena 4 enggau 5 April tu, ba Palan Pengeluar Asil Pengelandik Jari Betong.

Sapit Direktor Kaunsil nya Salmi Mohd Isa madah, berambaika leka jaku 'Beli Barang Malaysia',bisi 20 iku orang dagang ba mayuh bengkah bidang asil pengelandik jari baka tekstil, asil ari kampung, asil ari tanah, besi, mayuh macham asil pengelandik jari enggau pemakai ngambi bagi dalam program nya.

"Program nya diatur kena meri peransang enggau peluang ngagai orang dagang asil pengelandik jari Malaysia, lebih agi di nengeri tu ngambi ngelaku sereta nyual produk asil pengelandik jari sida terus ngagai penguna ke ngulu program nya.

"Kelimpah ari nya, program nya mega deka ngelakuka asil pengelandik jari ari menua nya empu sereta meransang pengangkun ba produk asil pengelandik jari Malaysia dalam pengidup besesehari," ku iya madah ngagai Bernama ditu ensana.

Ku Salmi, kelimpah ari ngelaku sereta nyual  barang asil pengelandik jari, program nya mega deka diisi enggau atur pengawa belajar nengah chara 'interaktif' ngaga batik begulai enggau penyereta.

"Seraban 30 iku nembiak ari Sekula Sekondari St. Augustine, Betong sereta 30 iku nembiak ari Sekula Primari Abang Abdul Kadir, Betong enggau ngaga batik nya ila.

"Seraban 50 iku nembiak mit ari Tadika Opis Pengintu Pengelantang Mensia Mayuh (Kemas) mega masuk ba pekit nyura batik," ku iya. — Bernama

Tiada ulasan:

Catat Ulasan

ads