ads

Isnin, 15 April 2013

11 di lubok antu sarawak - Google Blog Search


URL Sumber Asal :-

11 di lubok antu sarawak - Google Blog Search


Larry netapka diri bediri <b>di Lubok Antu</b> - The Borneo Post Online

Posted: 08 Apr 2013 02:49 PM PDT

Posted on April 9, 2013, Tuesday

KUCHING: "Aku bediri ba sitak parlimen Lubok Antu maya pengawa bepilih besai ke-13," ku Presiden Sarawak Workers Party (SWP) Larry Sng.

Mujur ngerijister ngelui 35,000 iku kaban parti dalam awak ke pandak, Larry perchaya SWP ulih menang ba sekeda ari enam parlimen ke dikuasa Parti Rakyat Sarawak (PRS).

Ba sebengkah aum pengarang berita kemari, nyerumba pengawa mantaika manifesto SWP, Larry nyadang ulih menang ba sitak parlimen Lubok Antu lalu nya bepelasarka gaya timbal sereta sukung ti manah ari rayat ngagai SWP.

"Kitai napi pengawa ti besai deka numbangka penyandang, taja pia berkat ari pengeregas raban SWP ngereja pengawa sereta pengandal ti udah dibantai, SWP melaba ulih menang ba sekeda penuduk.

"Aku pechaya rayat deka meri SWP peluang ngarika sida ungkup timpuh lima taun ti deka datai," ku Larry.

Iya mega madah, sukung ari rayat ngagai SWP dipeda majak nambah ninting hari.

Enggau pemutus nya, Larry disadang besatup enggau penyandang William Nyalau Badak ari PRS ke alai Parti Keadilan Rakyat (PKR) mega ngining penuduk parlimen nya.

Chalun PKR deka ditentuka kenaka 11 April tu maya penemuai Ketua Umum Datuk Sri Annuar Ibrahinm ke Sarawak.

Nicholas Bawin didinga deka dituku nyadi chalun PKR.

Ba kaul ke sama, Larry netapka tiga iku agi chalun SWP ungkup parlimen Selangau, Kanowit enggau Sri Aman deka dibantai sebedau hari nganjung nama chalun.

Dulu agi ari tu, SWP udah netapka George Lagong bediri ba sitak parlimen Hulu Rajang lalu Wong Judat di Julau.

Enggau pemutus nya mega, parlimen Lubok Antu deka nyadi sebengkah sitak ke pemadu angat maya PRU13 tu ke alai Larry ngembuan peneka sereta pengeran deka ngalahka PRS ti betuaika Tan Sri James Masing.

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Larry Sng ditetapka bediri <b>di Lubok Antu</b> - The Borneo Post Online

Posted: 01 Apr 2013 04:29 PM PDT

by Chris Bishop. Posted on April 2, 2013, Tuesday

DITETAP: George Lagong (tengah) mansutka pemutus Larry ditetapka bediri ba sitak parlimen Lubok Antu.

DITETAP: George Lagong (tengah) mansutka pemutus Larry ditetapka bediri ba sitak parlimen Lubok Antu.

KUCHING: Presiden Sarawak Workers Party (SWP) Larry Sng ditetapka diri bediri ba sitak parlimen Lubok Antu maya Pengawa Bepilih Besai ti Ke-13 (PRU13) tu ila.

Pekara tu dipansutka Sapit Presiden parti nya George Lagong ba sebengkah aum pengarang berita ti diatur ba indu opis SWP pagi kemari.

"Sehari tu aku mansutka pemutus parti ti netapka presiden SWP Larry Sng dichalun bediri ba sitak parlimen Lubok Antu maya pengawa bepilih besai ti deka datai.

"Chalun SWP ba tiga parlimen bukai Sri Aman, Kanowit enggau Selangau deka dipansutka Larry dalam awak ke semak tu," ku iya.

George ke nyadi Chairman Komiti Pengawa Milih Chalun madah, pemutus nya diletak sepengudah aum entara raban komiti enggau ketuai SWP.

"Bepelasarka sukung sereta timbal ke manah ti dipandangka rayat ngagai parti nya di Lubok Antu, kitai ngasaika Larry chalun ke pemadu manah disabung ba sitak parlimen nya," ku iya.

Iya nambah, taja pan Larry ukai peranak Iban sereta ukai orang asal Lubok Antu, ketegal penyerakup udah nyadika tiang pemansang enggau pengelikun Sarawak ngelamatu…nadai kebuah rayat lebih agi nembiak rebak baru enda nerima Larry di Lubok Antu.

Kitai enda ulih kelalu enggai meda bansa bukai enti kitai deka ngenanka kuasa merintah diri di menua tu, ku iya.

Iya mega madah, naka ke diatu SWP udah ngerejister urung 9,000 kaban ari penyampau 21,000 iku pengundi lalu semua sida tu pengundi ba sitak parlimen Lubok Antu.

Enggau pemutus nya, Larry ke kala nyadi Menteri Muda Pekara Nembiak dalam perintah nengeri Sarawak sereta kala nyadi ADUN Pelagus deka besatup enggau chalun Parti Rakyat Sarawak (PRS) ke mega pemangku penuduk sitak Parlimen Lubok Antu William Nyalau Badak.

Dulu ari nya, George Lagong ke mega ADUN Pelagus udah ditetapka bediri di Hulu Rajang lalu dipelaba deka besatup enggau Wilson Ugak Kumbong ti nganti Datuk Billy Abit Joo.

Mandal Presiden ke mega ADUN Meluan Wong Judat deka disabung di parlimen Julau, nyatup Sapit Menteri Pemadah, Penyambung enggau Main Asal Datuk Joseph Salang Gandum.

Sitak parlimen bukai ke dikuasa PRS ti diining SWP iya nya, Selangau ke dipegai Sapit Menteri Pemansang Menua Pesisir enggau Kandang Menua Datuk Joseph Entulu Belaun, Kanowit Datuk Aron Ago Dagang enggau Sri Aman Masir Kujat.

Enggau pemutus nya mega, parlimen Lubok Antu deka nyadi siti sitak ke pemadu angat maya PRU13 tu ke alai Larry ngembuan peneka sereta keran deka ngalahka PRS ti betuaika Tan Sri James Masing.

To enable your comment to be published, please refrain from vulgar language, insidious, seditious or slanderous remarks. This includes vulgar user names.

0 ulasan:

Catat Ulasan

 

BLOG SARAWAK

Copyright 2010 All Rights Reserved