Isnin, 18 Februari 2013

11 di padawan sarawak - Google Blog Search

11 di padawan sarawak - Google Blog Search

Bala tuai raban bansa <b>Padawan</b> irauka penambah <b>...</b> - my <b>Sarawak</b>

Posted: 11 Dec 2012 03:13 PM PST

Minta raban ke bekaul ningaka sebana sida, matau tumpuk pendiau ari kes nyerungkai rumah enggau ngenchuri

KUCHING: Bala tuai raban bansa di luar bandar Padawan mantaika pengirau ati sida meda penambah kes beserungkaika rumah enggau pengawa ngenchuri tauka ngerusak reta rama.

Bejaku ngagai The Borneo Post udah ke ngulu aum Program Kimpin Sedar Kudi Nengeri ba sebengkah hotel ditu, tuai-tuai raban bansa madahka penchuri kawat telefon ambika banding nyau enda nangi agi.

"Pengawa bechurika kawat dikereja bejurut malam nyentuk ke Opis Telekom mutuska servis ngagai genturung pendiau ba sepemanjai Jalai Tapah – Padawan," ku sebana John Sapin Kirim tuai raban bansa Kampung Mundai ke dulu suba gawa nyadi juruteknik  Telekom.

Iya agi ingat bisi sekali tepedaka penchuri narit kawat telefon ba mua rumah iya taja pan penchuri nya nemu diri kena perati tang iya enda nangi.

"Aku dini nya berani laban sida bebaika senyata. Ari ke dipeda aku sida enda rawan ngemediska sesapa enti nagang sida ngereja pengawa nya. Riput udah dipanggai ngagai polis tang sida madahka enda ulih ngereja nenama ketegal nadai bungkur pengawa matau genturung pendiau," tambah Sapin.

"Munya amat menua pesisir tu tenai laban pengawa jai semina dikereja orang ke mangkang bandar besai aja nya alai bisi ku merambu ngagai polis ngasuh sida matau genturung pendiau, seraya jenayah nyau bisi dipeda ngansak ngagai menua pesisir," ku John Jinngut tuai raban bansa urung 500 bengkah ruang bilik Kampung Simpok ke sepenemu enggau Sapin.

Berebak enggau nya sekeda tuai raban bansa ari luar mengeri Padawan di baruh pegai Majlis Perbandaran Padawan (MPP) ngapil ngagai kunsil ngambika sida adil maya ke bejalaika pengawa lebih agi ngagai genturung pendiau di pesisir. Iya ngansak MPP melin sistem entali ai ke menyana, masang api jalai lalu ngemanahka jalai tumpuk pendiau ke udah lama enda diadu.

Tuai raban bansa Daniel Jita, John Jinngut, John Sapin, Nick Atang enggau Andam Nyamun ari Kampung Jambu, Simpok, Mundai, Sarig enggau Desa Wira Lot Fasa 1, serengking madahka maya ujan lebat genturung pendiau sida deka ditiki ai laban nadai sistem entali ai ke menuku.

"Di Kampung Jambu ambika banding 25 buah rumah panjai semak sungai deka ditiki ai pengudah ujan bangat taja pan ukai musin pengujan," ku Jita.

Sida bukai ari Simpok, Mundai enggau Sarig mega sepenemu enggau Jita madahka genturung pendiau sida begunaka api jalai ambis enda pan dikena ngurangka kes pengawa beserungkai rumah enggau nya dikarapka ulih nambahka pengelikun ba genturung pendiau sida.

Andam Nyamun nekanka penturung pendiau ke dipegai iya diatu nyau diapit pemansang dagang iya mega ngapil ngagai MPP ngambika ngenyampat peminta sistem entali ai lebih agi kediatu bandar baru E-Mart ke mungkur urung 30 ikar semak genturung pendiau iya dia.

Category: Berita Iban, Sarawak
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads