Isnin, 14 Januari 2013

11 di sri aman sarawak - Google Blog Search

11 di sri aman sarawak - Google Blog Search

DAP <b>Sri Aman</b> nerima sebana bil ai RM5,067 – BorneoPost Online <b>...</b>

Posted: 12 Jan 2013 01:40 PM PST

Posted on January 13, 2013, Sunday

KUCHING: DAP pampang Sri Aman kemari nerima riput ari seiku orang ti madah iya udah nerima bil ai sepenyampau RM5,067 ungkup dua bulan ke udah.

Chairman pampang Leon Jimat Donald madahka seiku orang ti dikangau nengah nama Wong ke diau di Taman Harmoni, Sri Aman mantaika sebana ke alai dua bil ai iya ke penudi sepenyampau RM1,810.80 sereta RM1,325.90 lalu mega nerima bil bukai enda kurang ari RM300 nyentukka diatu.

"Iya balat tekenyit sepengudah nerima bil sepenyampau nya. Sepengudah nutup paip besai iya lalu begeguai ngenataika kompelin ngagai JKR tang enggau enda disadang iya dianu sekeda orang gawa JKR.

"Nadai chara bukai mutarka penanggul nya, iya datai mai sebana nya ngagai DAP Sri Aman," ku Leon ba sebengkah penerang berita ngagai Utusan Borneo.

Seraya ke madah alit ati enggau ulah sekeda raban JKR, Leon madahka penanggul ke bansa tu patut dulu diputarka sida iya.

Ku Leon, kati ka penyampau bil ai tu tau manggai ba tikas beribu ringgit lalu nadai surat tesau deka mutuska bekal ai dikeluar.

"Nama kebuah pekara tu tau nyadi lalu nadai seiku orang JKR kiruh mantau. Opis Ai (JKR) patut mutarka pekara tu enggau lengkas laban ngelamatu mensia mayuh nadai dua ati mayar bil ai sida iya," ku Leon.

Ba kaul ke sama, DAP Sri Aman mega bisi nerima mayuh kompelin ari mensia mayuh ti madah tikas pemeresi bekal ai enda mangat manah.

Mensia mayuh madahka bekal ai paip kekadang keruh lalu suah mega putus bekal ninting minggu.

"Kitai meretika pengawa ngangkatka tikas pemanah bekal ai ti benung dipejalai di Sri Aman tang ketegal diri ti nyadi seiku orang mayar chukai, opis ai patut nentuka bekal ai ti diterima mensia mayuh beresi sereta likun diirup," ku iya.

DAP Sri Aman deka nulis surat ngagai Opis Ai (JKR) ngambika mansik penyampau bil ti dicaj ngagai Wong lalu mega nulis surat ngagai Sapit Kepala Menteri Datuk Patinggi Tan Sri Alfred Jabu enggau Menteri Pengeraja Asal enggau Rampa Menua Datuk Douglas Uggah ke nyadi menteri ti megai tanggungpengawa ngarika perintah besai ti ngemata projek di Sarawak kelebih agi ba tikas pemerasi ai di Sri Aman.

To enable your comment to be published, please refrain from vulgar language, insidious, seditious or slanderous remarks. This includes vulgar user names.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads