Jumaat, 7 Februari 2014

11 di bau sarawak - Google Blog Search

11 di bau sarawak - Google Blog Search

Ulah ngeruga kampung <b>di Bau</b> nyadi baru: Dihoi – BorneoPost <b>...</b>

Posted: 28 Jan 2014 04:31 PM PST

ANANG SENGAPA: Dihoi (duduk, tiga kiba) enggau Lipik (duduk, empat kiba) begulai enggau wakil peranak menua ari 12 genturung pendiau di sitak Krokong enggau Tringgus.

Peranak menua ari kededua genturung pendiau Krokong enggau Tringgus minta piak bekuasa enda belampung ati

BAU: Genturung pendiau Krokong enggau Tringgus semak ditu, majak dikeruga orang ke berimbaka kayu di kampung nya dipelaba balat nyadi di Ulu Sungai Pedaun.

Nitih penerang ari Penghulu sitak Krokong, Dihoi Nyawen madah, orang ke tama kampung sida nya ke baru nyadi (kena 21 Jan), lebuh sebuah lipan tama ngagai kampung nya ke enda ditemu orang ari genturung pendiau dia.

Berindik ari nya, iya madah sida iya lalu ngaga ripot polis kena 24 Januari di Balai Polis Bau mantah pengawa berimbaka kayu sida dia.

"Sekali tu, kami enda nemu ni bagi kompeni tang sida iya udah mai lipan lalu ngaga jalai tama ngagai endur nya.

"Tang utai ditemu kami, pengawa beambika kayu nya enda patut dikereja laban pampang Lisin Opis Kampung udah madah nadai lisin dikeluarka ngambi kayu ba sitak Krokong enggau Tringgus," ku iya madah lebuh dikerandau ditu, kemari.

Dihoi dikerandau lebuh betuaika urung 35 iku pengari ari 12 buah genturung pendiau di sitak Krokong enggau Tringgus mantah pengawa berimbaka kayu nya di jalai penama ngagai endur ngambi kayu belabuh ari pukul 10.00 pagi lalu angkat ari nya, sejam udah nya.

Sama bisi nguluka pengawa nya, Renjer Jelu Babas sitak Bau, Lipik Sarau sereta pemesai enggau raban polis ari Opis Polis Pelilih Mit Bau ngemataka endur nya.

Ba pekara ke sebaka, lipan ke ngaga jalai ngagai endur ngambi kayu nya udah diasuh pansut.

Tama enggau chara ke salah ngagai sitak nya, udah masuk ke empat kali orang deka ngambi kayu dia, belabuh ari 1998, 2000 enggau 2011 tang semua pengawa nya enda mujur laban diketuka, ketegal dibantah peranak menua ke diau di genturung pendiau ari kededua sitak nya.

Berindik ari nya, Dihoi minta ejensi Perintah ke bekuasa dalam pekara nya ngambi atur ke patut ba pengawa ke enda menuku nya.

"Kami minta piak ke bekuasa beratika pekara tu enggau serius lalu enda ngemendarka sebarang kompeni kayu ngaga pengawa ke enda dikemendarka kami.

"Penemu kami tu udah dipadah ngagai Opis Kampung tang datai ke diatu lalu bedau nerima sebarang timbal nyentuk ke pengawa salah deka ngambi kayu kami ditu, nyadi baru," ku iya.

Dihoi nandu, tuju sida iya mantah pengawa ngambi kayu dia laban sida iya deka nyaga rampa menua dia ke lama udah nyadi pengeraja sida kelimpah ari sitak nya bepeluang nyadi palan eko-dagang temuai.

Ba pekara nya mega, Menteri Muda Pengerai Mensia Mayuh ti mega ADUN Bengoh Datuk Dr Jerip Susil sepenemu enggau mensia mayuh dia, ngasuh opis ke bekuasa beratika pengawa ke nyadi nya, diputar engggau jampat.

"Atur ke terit patut diambi ba pengawa ke ngelanggar undang-undang.

"Tambah mega, jalai baru digaga tama ngagai genturung pendiau dia, tang enti lipan nyau nengah jalai nya, kati enda rusak jalai kia.

"Kami deka nyaga sitak kampung tu lalu deka ngaga 'sistem tagang' enda lama agi," ku iya madah lebuh dikerandau nengah telefon kemari.

Taja pia, polis ke dikerandau kemari madahka sida iya enda ulih nasat pekara nya laban tanah dia tanah NCR.

"Tu kes sivil ari baruh pegai kuasa Opis Kampung," ku polis nya tang netapka udah nerima ripot ari peranak menua ke diau di genturung pendiau dia.

To enable your comment to be published, please refrain from vulgar language, insidious, seditious or slanderous remarks. This includes vulgar user names.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads