Jumaat, 1 November 2013

11 di kanowit sarawak - Google Blog Search

11 di kanowit sarawak - Google Blog Search

Pesta Rantau Kemiding ulih nyadi produk dagang temuai <b>...</b>

Posted: 25 Oct 2013 06:19 PM PDT

Posted on October 26, 2013, Saturday

SIBU: Pesta Rantau Kemiding, Kanowit ulih diangkat nyadi produk dagang temuai ngagai pelilih menua nya, ku Menteri Muda Dagang Temuai (Achara enggau Produk) Datuk Gramong Juna.

Ku iya, pengerami ke diatur ninting taun nya deka meri kelala Rantau Kemiding, pelilih Kanowit palan ke ditapat temuai ti tau bendar meri mayuh penguntung ngagai peranak menua nya empu.

"Perintah nengah Opis Menteri Dagang Temuai deka ngiga inisiatif nyungkakka sektor dagang temuai di Sarawak enggau pelilih menua pesisir, ambika chunto baka ba Rantau Kemiding.

"Tu laban, sitak menua pesisir agi kaya adat enggau main asal menua nya ke nyelai taja pan dilamun arus pemansang ke majak ngerembai.

"Rantau Kemiding sebengkah palan ke chukup ngaitka ati sereta engkeman nyadi produk dagang temuai leseruran diatur ba Kanowit.

"Nya alai, Opis Menteri Dagang Temuai deka nentuka pengerami tu dipasuk ke dalam Kalendar Dagang Temuai Sarawak jemah ila kena mantu ngangkatka sektor daganmg temuai di Kanowit," ku iya maya bejadika Pesta Rantau Kemiding 2013 di Tebingan Sungai Rumah Benjamin Angki di Rantau Kemiding, Kanowit.

Sama bisi datai Sekretari Politik Kepala Menteri Maurice Giri, Eksekutif Opis Dagang Temuai Sarawak bagi menua Sibu Rudy Anoi, Kepala Polis Pelilih Kanowit DSP Ismail Mahmud, Pemesai Pemadah Pelilih Kanowit Wan Mohd Zuki Wan Ismail enggau Tuai Rumah Benjamin Angki.

Pengerami nya diatur sepengelama tiga hari berunggu mega dirichah enggau mayuh macham aktiviti baka panggau pemerindang, pekit Kumang Pesta Kemiding 2013, pekit betabuh enggau ngajat, chabut tikit benasit, poco-poco enggau 'live band' Red Hackle.

Kena ngerichahka agi pengerami nya, mega bisi diatur pekit Regata Rantau Kemiding kategori lumba perau lelaki enggau indu enggau perau laju.

Pengawa nutup pengerami nya udah dipenyadika Kaban Parlimen Kanowit Datuk Aaron Ago Dagang.

Gramong ke mega Menteri Muda Pemansang Tanah bepenemu enti pengerami nya dikerembai enggau jauh agi dudi hari ila, nya ulih nyungkakka penatai pemisi raban orang ke ngemeranka program nyemilik ba menua nya.

Ku iya, pengawangatur pengerami nhya ulih meri mayuh poenguntung ngagai semua serak raban bansa ba menua nya kelimpah ngerapatka kaul kerejasama dalam mayuh bidang di raban komuniti dia.

"Aku pechaya, nengah atur pengerami baka tu, bala pengemeran program nyemilik ba menua tu empu ulih ngangkatka tikas ekonomi sida kelimpah peranak ari endur bukai.

"Nya alai, pengerami tu ulih ngenataika mayuh penguntung ngagai semua rayat ditu," ku iya ke mega Kaban Kunsil Nengeri (ADUN) Machan.

To enable your comment to be published, please refrain from vulgar language, insidious, seditious or slanderous remarks. This includes vulgar user names.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads