Sabtu, 23 Februari 2013

11 di padawan sarawak - Google Blog Search

11 di padawan sarawak - Google Blog Search

Perintah besai ngungkupka RM300-RM400j dikena <b>...</b> - my <b>Sarawak</b>

Posted: 21 Feb 2013 01:21 PM PST

KUCHING: Ninting taun perintah besai nengah projek MARRIS ngungkupka belanja entara RM300 – RM400 juta ngagai perintah nengeri, dikena ngemanah jalai nengeri, bandar enggau ba genturung pendiau.

Sapit Menteri Kereja Raya, Datuk Yong Khoon Seng madah, di Sarawak jalai ti dikemanahka nengah projek MARRIS nyauka manggai 30 kilometer ti enda nyengkaum jalai ti bedau dalam lis dikemedarka.

Iya madahka belanja ti diagih ngagai nengeri enggau opis kunsil bepanggai ba pemanjai jalai, lalu ke satu kilometer pemanjai jalai kitai ngungkupka urung RM22 ribu.

Diatu aku meda dini-dini endur jalai udah ditar laban bisi agih belanja nengah projek MARRIS, ku iya.

"Perintah besai nengah projek MARRIS meri belanja ngagai perintah nengeri ngambika bisi dikena ngemanah enggau ngaduka jalai nengeri, bandar sereta jalai genturung pendiau.

"Ninting taun kitai (Sarawak) diagihka belanja urung RM300 ngagai RM600 juta, sereta nyengkaum sekeda jalai ti bedau dipasuk dalam lis dikemendar (dalam projek MARRIS).

"Majlis Perbandaran Padawan diberi lebih mimit laban kandang endur ti dikuasa lebih besai agi ba penyampau tubuh mensia," ku iya lebuh bejaku ba pengerami Ramah Tamah Taun Baru Cina 2013, Majlis Perbandaran Padawan (MPP), ti diatur ba MPP ditu kemari.

Kelimpah ari nya, Chairman MPP, Lo Khere Chiang madahka, dua taun sebedau diatu MPP mayuh udah ubah sereta tejapaika mayuh bengkah penyulut ba pengawa ngemansangka kandang endur ke dipegai.

Penyulut nya asil ari kerejasama semua pengereja pengawa ba opis MPP, ku iya ti madahka diri temegah ati ke penyulut nya.

"Ambika banding keterubah aku ti dipaduka nyadi kunsilor kitai (MPP) diungkupka belanja RM8 juta (2011) dikena bejalaika projek MARRIS, lalu ba taun 2012 kitai (MPP) diungkupka RM12 juta bisi nambah mimit, ba taun 2013 kitai deka diagihka mayuh agi.

Semua tu asil ari pemagas enggau kerejasama semua pengereja pengawa MPP," ku iya.

Nambahka nya, Lo madahka industri dagang temuai baka Program Nyemilik di kandang menua ke dipegai MPP deka dikemansangka agi enggau kerejasama Opis Pelilih Mit Lundu, Serian enggau Bau ngambika ulih nyungkakka penatai pemisi rayat.

"Nengah industri tu kitai ulih nyungkakka penatai pemisi rayat menua pesisir, baka nyendiaka pemakai, endur diau enggau kebukai nengah program nyemilik," ku Lo.

Bela datai ba pengerami nya kemari Sapit Chairman MPP Cr. Mohd. Hashim Yap, chairman pengatur Majlis Ramah Tamah Tahun Baru Cina MPP 2013 Cr. Lee Sin Fah enggau kebukai.

Sama nyadi pengabang pengerami nya kemari, sida ari Chesire Home.

Ba pengerami nya, Yong ngungkupka RM5,000 ngagai Kelab MPP.

Category: Berita Iban, Sarawak
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads