Sabtu, 19 Januari 2013

11 di sibu sarawak - Google Blog Search

11 di sibu sarawak - Google Blog Search

Tikas penyalah rama <b>di Sibu</b> niki: Shafie - The Borneo Post Online

Posted: 16 Jan 2013 03:23 PM PST

Posted on January 17, 2013, Thursday

SIBU: Tikas penyalah rama ba mengeri tu niki 63.04 persin ba timpuh 1 ngagai 14 Januari taun tu enti dibida ba timpuh ke sama taun siti suba.

Kepala Polis Sibu ACP Shafie Ismail madahka iya nangi bendar ke pengelikun mengeri tu kenyau ari pun taun kelebih agi kes enchuri mutosikal suah nyadi.

"Bepun ari 1 ngagai 14 Januari, tikas penyalah rama niki 29 iti kes enti dibida enggau timpuh ke sama taun siti suba," pia ku iya maya bejaku ba Majlis Perhimpunan Kawad Kaki Bulanan ke diatur di Indu Opis Polis ditu, kemari.

Ku iya, kelimpah ari nya, bisi 25 iti kes nyerungkai rumah mega bisi dirikudka nyadi.

Beduduk ari tu, ku Shafie, raban polis ba mengeri tu aruh gawa bebendar agi ngambika penyalah rama ulih dikurangka agi.

"Bisi dua iti kebuah tikas penyalah rama niki iya nya ketegal chara dikena kitai nagang penyalah enda manah tauka ketegal pekara ke bukai ti bekaul," ku iya.

Nambah ke nya, iya madahka, raban polis aruh bisi kaul ti manah begulai enggau mensia mayuh ngambika nemu enggau dalam agi senentang pengelikun ba seiti-seiti endur.

Kelimpah ari nya, ku iya, raban Polis Pematau Pengelikun (MPV) mega nadai salah ngetu berandau enggau mensia mayuh ngambika penatai sida nyungkakka agi ati mensia mayuh ngasaika pengelikun sida semampai diintu.

"Kaul mensia mayuh enggau raban polis tau ngurangka agi penyalah rama," ku iya madahka baru.

Shafie mega madah, pengawa matau pengelikun ke disempulang raban Polis, RELA enggau Opis Pengintu Pengelatang Orang Periman Malaysia (JPAM) nerima timbal ke manah ari bala bedaja.

Berebak enggau tu mega, iya ngelalau raban polis ngambika enda maruk diri ngereja pengawa ti salah ke tau ngeruga nama manah polis.

"Kitai ke nyadi polis aruh nyadika pengelelak ulih nyungkakka pengeransing nyengkaum ngintu pengelikun mensia mayuh enggau pengerai diri empu," ku iya.

Ba pengerami tu mega, Shafie bisi nyuaka setipikit ngagai 30 iku raban polis.

To enable your comment to be published, please refrain from vulgar language, insidious, seditious or slanderous remarks. This includes vulgar user names.
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads