11 di subis sarawak - Google Blog Search |
| BN amu tumingkod manalasai do kobolingkangan rayat: Hajiji : my <b>...</b> Posted: 04 Jul 2012 02:12 PM PDT LAHAD DATU: Koporintaan id siriba Barisan Nasional (BN) toririmo maganu nunu noopo lang tosonong ih kapaamung do kopontingan rayat. Montiri Koporintaan Kinoiyonon om Pomulaminan, Datuk Hajiji Noor minoboros porinta baino toririmo kikoinsamadan (prihatin) om amu tumingkod mantad manalasai do nunu noopo kobolingkangan ih notoguang rayat. Noboros disio ino id Ramai Taklimat Kopomongoan Projek Pomulaminan Bandar Sri Gemilang, hiti di tadau Koiso. Ka dau, monulung porinta poposikap do kapamanaan projek pomulaminan dino ih pogului diti notingkatad maya sabap ngawi pointantu. "Ounsikou tokou sabap projek ih anggapon tokou sumakit pogului diti aanu popolombus om osonong kopio projek diti torinaon di popoburu ih kawawagu. "Alansan tokou kopontingan kiginumu 875 momomoli nokoompit pokimamaan om kaanu poposigampot do iman-imanon diolo," ka dau mikuo monongkotoluod kumaa Skim Pomulaminan Nasional Berhad (SPNB) maya karaja manalasai do kobolingkangan ih notoguang solinaid diti. Otumbayaan nogi Hajiji do porinta kaanu momongo projek kapaamung do kiginumu 2,226 unit lamin miagal ih pinabatos. Id ramai dino, iso timpu panakan boboroson kokomoi kapamanaan projek dino nokomoi pinaharo di popoburu pomulaminan Khazanah Jaya. Tumanud boogia popoburu, projek ih timpuunan momonsoi do ontok September toun diti om opongo dati do ontok Februari 2014. "Sokiro ko toinsanan ponorinaan 'dokumentasi' kaamung lisin popoburu aanu manalasai idsuang timpu tosomok diti, projek aanu popotimpuun do ontok September timpu rumikot om opongo dati do idsuang timpu 18 wulan," ka dau mikuo alansan puru komiti momoli lamin BSG kaanu manaak pisokodungan doid boogian popoburu. Montok rikod, kiginumu 875 momomoli lamin id koiyonon dino kotoguang miampai kobolingkangan kodomutan boogian popoburu momongo do projek pomulaminan dino. Nokotindapou nogi ih Puru Lamin Koundangan Pogun (Adun) Tungku, Datuk Suhaili Said, Adun Lahad Datu, Datuk Nasrun Datu Mansur, Puru Parlimen Tengah Batu Melaka, Dato Idris Haron, om Luguan Puteri Umno Silam, Mizma Appehdullah. Category: Berita Kadazan, Sarawak |
| You are subscribed to email updates from di subis sarawak - Google Blog Search To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
Tiada ulasan:
Catat Ulasan