Khamis, 24 Mei 2012

11 di lubok antu sarawak - Google Blog Search

11 di lubok antu sarawak - Google Blog Search

Nyalau besemaya deka ngulihka belanja : my <b>Sarawak</b> – News <b>...</b>

Posted: 20 May 2012 03:08 PM PDT

Penanggul projek BELB ba sitak iya patut bendar dikenatai ngagai perintah Barisan Nasional

LUBOK ANTU: Kaban Parlimen Lubok Antu William Nyalau anak Badak besemaya deka ngulihka belanja ari perintah Barisan Nasional (BN) ngambika bisi dikena ngatur projek Nyambung Karan Menua Pesisir (BELB) ngagai sekeda rumah panjai ke udah datai jalai sebelah Ulu Lemanak/Engkari, Sri Aman.

Ku iya, enti rumah panjai nya udah datai jalai, mudah agi perintah BN nyambung karan BELB ngagai rayat ba menua pesisir ke bedau bisi karan 24 jam sebedau tu.

"Aku nguji enggau penapat ngulihka belanja nya ngambika kita semua bisi BELB dudi ila," ku iya.

Iya bejaku munyi nya lebuh ti bejadika Pengerami Begulai Enggau Rayat seraya bejadika Projek Jalai Alun Ulu Lemanak/Engkari Renggat III ti diatur Opis Kereja Raya (JKR) Pelilih Sri Aman enggau Opis Hal Ehwal Khas (JASA) Lubok Antu di rumah panjai Ulin anak Anggak, Sekunyit, Lubok Antu, kena Hari Lima Minggu nyin kemari.

Jalan Alun Ulu Lemanak dibelakin sepemanjai 7.7 kilometer beungkus RM42.56 miliun berengkah ari simpang Lubok Subong nyentuk ke rumah panjai Ulin, Sekunyit.

Antara rumah panjai ke bisi dipansa jalai Ulu Lemanak/Engkari ke bedau bisi BELB diatu iya nya Rumah Panjai Tugong Lepong Mawan Ulu, Rh Pagang, Mawang Ili, Rh Raba, Kapu Ulu, Sekandis enggau Rh Ulin, Sekunyit.

Taja pia, Nyalau arapka rayat ba kandang menua nya terus meri sukung ngagai BN ngambika perambu pemansang ulih dipejalaika ila.

"Aku arapka kita semua terus meri sukung ngagai chalun BN ba pengawa bepilih besai ti Ke-13 tu ila, ngambika semua perambu pemansang ulih dipejalai ungkup kita ila," ku iya.

Berebak enggau pengerami nya mega Nyalau besemaya deka meri belanja dikena mayar atap ba rumah panjai Ulin, Sekunyit sereta RM3000 ngagai Biro indu sida iya.

Sama bisi ngulu pengerami nya Injiner Bagi Menua JKR Sri Aman, Cassiddy Morris, Pemantu Pengintu Pengelantang Pendiau Kanan Pelilih Mit Lubok Antu Geoffery Unding enggau bala ketuai mensia mayuh ba Lubok Antu.

Category: Sarawak
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads