Rabu, 9 Mei 2012

11 di lubok antu sarawak - Google Blog Search

11 di lubok antu sarawak - Google Blog Search


Nyalau: Nembiak menua pesisir aruh nguna Wi-Fi <b>...</b> - My <b>Sarawak</b>

Posted: 08 May 2012 05:03 PM PDT

MUJUR DATAI: Penatai Salang (tengah) diampan Nyalau (kiba) enggau Jack (kanan) sereta sida ke bukai lebuh datai ba pengerami nya.

LUBOK ANTU: Meri mayuh penguntung kelebih agi ba pekara pelajar.

Kaban Parlimen Lubok Antu, William Nyalau Badak ngelalau raban nembiak lebih agi ke diau ba menua pesisir ngena enggau naka pemanah perengka Internet Tanpa Wayar (Wi-Fi) ke udah disediaka perintah Barisan Nasional (BN) ngagai sida.

Ku Nyalau, perengka Wi-Fi meri mayuh penguntung enti diguna enggau memanah kelebih agi ngagai nembiak redak baru.

Nembiak redak ba menua pesisir ulih ngena perengka Wi-Fi enggau mayuh tuju sereta ulih meri penguntung kelebih agi ba pekara pelajar.

"Guna meh enggau memanah, laban Wi-Fi ulih meri mayuh pengutung ngagai kita semua (nembiak baru)," ku iya.

Nyalau bejaku munyi nya ba Pengerami Panggau Gawai 2012 ke diatur Bagi Iban Stisin Radio Wai FM ba Rumah Jubang Bin, Sebangki Panjai, Lubok Antu kena Hari Enam tu tadi.

Rumah Jubang, Sebangki Panjai sekeda12 buah rumah panjai sitak Parlimen Lubok Antu bisi disikap enggau perengka Wi-Fi ke dipinta Nyalau ngelama tu.

Sapit Menteri Pemadah, Penyambung enggau Main Asal Datuk Joseph Salang Gandum nyadi temuai dipebasa ba pengerami nya.

Kelimpah enggau nya, Nyalau meri jaku tangkan ngagai rayat sitak Parlimen Lubok Antu semampai nyukung BN ngambika Pelilih Menua Lubok Antu majak mansang jemah ila.

"Semina BN aja ulih ngemansangka tikas pengidup kita, nya alai, sukung meh BN," ku tandu iya.

Ba pengerami nya Nyalau bisi ngerahka duit agih RM10,000 ngagai Komiti Pemansang enggau Pengelikun Genturung Pendiau (JKKK) Rh Jubang, Sebangki Panjai, Lubok Antu.

Sama bisi datai ba pengerami nya Pemesai Pelilih Menua Lubok Antu Jack Aman Luat, tuai opis perintah enggau tuai raban bansa pelilih Lubok Antu.

Category: Sarawak

Tiada ulasan:

Catat Ulasan

ads