Selasa, 22 Mei 2012

11 di kanowit sarawak - Google Blog Search

11 di kanowit sarawak - Google Blog Search

Tanah NCR <b>di Kanowit</b> mujur dikemansang nengah <b>...</b> - My <b>Sarawak</b>

Posted: 18 May 2012 06:05 PM PDT

KUCHING: Penyampau tanah adat asal Bumiputera (NCR) mujur dikemansang nengah projek nanam sawit bisi enam bengkah endur enggau sekeda projek ke benung diperambu di menua Kanowit.

Menteri Muda Pemansang Tanah Datuk Gramong Juna madah ba siti ari projek ke dikelala enggau nama Kanowit Blok B enggau D, sepemesai 12,639 hektar tauka 90.7 persin udah ditanam enggau sawit.

"Ba projek ke dikelala Kanowit Blok A, ba pemesai 3,100 hektar, alai urung 1,900 hektar tauka 61.2 persin udah alai bekebun," ku iya.

Iya nandu, ba tiga buah projek bukai, iya nya Majau/Poi, Kanowit Blok C enggau Lesih, udah nyain Sempekat Pemereti Ati (MoU) ba pengawa kunsi (JVA) tang lalu bedau netapka utai ke deka ditanam dia.

Ba sebengkah agi endur, iya nya di Kabah, JVA lalu bedau digaga.

Iya madah baka tu nyaut tanya ari Kaban Kunsil Nengeri (ADUN) Ngemah Alexander Vincent nanya pemujur tanah NCR dikemansangka alai endur bekebun sawit di Kanowit ba Aum Kunsil Nengeri (DUN) Renggat Kedua ba hari keempat ditu, ensana.

Kelimpah ari nya, ba pekara ke sama nya mega, Menteri Muda Pengerai Mensia Mayuh Dr Jerip Susil madah tender ngaga Kelinik Pengerai Sibu Jaya ke bisi di pandangka ba iklan kena 15 March tu tadi deka belabuh digaga enti pengawa milih kontrektor udah mujur, tang ngaga Balai Pengerara Api enggau Penyah Penusah (BOMBA) Sibu Jaya nengah Renggat Kedua dalam Langgur Pemansang Malaysia Lumpar Ke-10 (RMK-10) enda dikemendarka.

Category: Sarawak
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads