Sabtu, 10 Mei 2014

11 di marudi sarawak - Google Blog Search

11 di marudi sarawak - Google Blog Search


Enti dikemendar, dikemansang, loji pemeresi ai <b>Marudi</b> deka <b>...</b>

Posted: 07 May 2014 02:57 PM PDT

KUCHING: Enda kurang ari 23 buah rumah panjai ari genturung Puyot-Nibong deka nerima bekal ai beresi enti projek loji pemeresi ai di Pasar Marudi dikemendar sereta dikemansangka ila.

Pekara nya dipadahka Menteri Muda Perengka Guna Mensia Mayuh Datuk Sylvester Entri lebuh ti nyaut tanya ari Dennis Ngau (BN-Telang Usan) maya sesi tanya saut Aum Kunsil Nengeri (DUN) kemari.

Taja pia iya madah, projek nyambung ai beresi ari loji di Pasar Marudi udah dipasukka dalam lis perambu bekal ai beresi menua pesisir (BALB) taun 2014-2018 ti agi diperundingka Opis Menteri Pemansang Menua Pesisir enggau Kandang Mengeri.

"Projek bekal ai beresi di genturung Puyot-Nibong nya nyengkaum pengawa nyambung paip, ngaga dua buah stesen pam penggalak enggau dua buah tangki nyimpan ai.

"Perambu ungkus belanja ti dikenataika ngagai Opis Menteri Pemansang Menua Pesisir enggau Kandang Mengeri iya nya RM20.4 juta.

"Lalu nyema projek nya dikemendar sereta dipejalaika, semua rumah panjai di kandang Puyot-Nibong ti mungkur 23 buah rumah panjai deka ngasaika bekal ai beresi," ku iya lebuh nyaut tanya tambah ari Dennis.

Kelimpah arinya lebuh nyaut tanya ari Snowdan Lawan (BN-Balai Ringin) bekaul enggau perambu perintah nyendiaka bekal ai beresi di sitak nya, Entrie madah, projek nya mega agi diperunding renggat Opis Menteri Pemansang Menua Pesisir enggau Kandang Mengeri.

Projek bekal ai Wilayah Serian Fasa 2 ti nyengkaum kandang menua Balai Ringin, Sabal enggau Bukit Punda udah dipasukka dalam program 2014-2018.

Iya madah, penatai ai beresi nya diambi ari Loji Ai Serian lalu perambu udah dikenataika ngagai opis menteri pemansang menua pesisir enggau kandang mengeri.

"Projek nya nyengkaum pengawa ngaga sebuah stesen penggalakan, sebuah tangki nyimpan ai enggau nyambung paip ngagai kandang endur sepemanjai 210 kilometer sereta perambu ungkus belanja projek nya urung RM107.8 juta," ku iya lebuh nyaut tanya tambah ari Snowdan.

Tiada ulasan:

Catat Ulasan

ads