Khamis, 8 Mei 2014

11 di betong sarawak - Google Blog Search

11 di betong sarawak - Google Blog Search


Pengerami Bungin, produk dagang temuai baru <b>di Betong</b> <b>...</b>

Posted: 04 May 2014 03:20 PM PDT

SETIPIKIT PENGAGA ATI: Uggah (tiga kiba) nyuaka setipit pengaga ati ngagai Penyanding Penemu Kelab Mutosikal SKYBAN, Debak, Hamdan Katang (dua kanan) seraya dikemataka Razi (kiba) enggau Abang Morni (kanan).

NGEMATA: Uggah benung meda gambar kelab mutosikal ari serata menua Sarawak lebuh ngagai palan pemandang Big Bike Show di Padang Sekula Primari (SK) Bungin seraya disempulang Razi (kiba).

PENGERAMI Bungin, Spaoh ti diatur ke-9 kali taun tu deka nyadi sebengkah ari produk dagang temuai ke baru ba Bagi Menua Betong.

Maya pengerami nya beribu iku pupu raban bansa ba kandang menua nya datai ngulu pengerami ke diatur ba Tebing Sungai Genturung Pendiau Bungin, Batang Saribas apin lama ke udah.

Pengerami ke diatur ngelama tiga hari berunggu nya mega disempulang mayuh bengkah atur pengawa baka pekit lumba perau, main bol, panggau pemerindang, mandangka produk, bansal bejual enggau Big Bike Show Pengerami Bungin 2014.

Chairman pengatur pengerami nya, Abang Morni Abang Ahmad madah, pengerami nya diatur kena ngelakuka Genturung Pendiau Bungin ngagai orang ari menua luar seraya ngelakuka produk ke dikeluarka Genturung Pendiau Bungin sereta mega nyadika pelasar endur ngintu main asal ba mensia mayuh ditu.

Dulu ari nya, pengerami nya udah dipenyadika Menteri Kebun Bedandang Besai enggau Komoditi Malaysia ke mega Kaban Parlimen Betong, Datuk Amar Dauglas Uggah Embas.

Sama bisi ngulu pengerami nya, Kaban Kunsil Nengeri (ADUN) Saribas, Mohd Razi Sitam enggau Residen Bagi Menua Betong, Datu Romie Sigan Daniel.

Beserimbai enggau pengerami nya, Uggah enggau Razi sama ngungkupka belanja RM 25,000 enggau RM 20,000 dikena nyaup komiti pengatur pengerami nya.

Kelimpah ari nya, ungkup belanja RM 50,000 agi mega diberi kena ngemanahka perengkaguna ba palan endur ngatur pengerami nya ngambika bisi endur ngatur pengerami nya baru taun dudi ila.

KE PENGINGAT: Raban SBRC ari Sri Aman begambar begulai enggau raban kelab mutosikal besai maya Big Bike Show ke diatur beserimbai enggau Pengerami Bungin 2014.

Tiada ulasan:

Catat Ulasan

ads