Sabtu, 26 April 2014

11 di sri aman sarawak - Google Blog Search

11 di sri aman sarawak - Google Blog Search


60 nyaut kangau Kimpin Meri Darah Perdana <b>di Sri Aman</b> <b>...</b>

Posted: 29 Mar 2014 09:17 AM PDT

SRI AMAN: Sepenyampau 60 iku peranak menua ditu udah masuk ba Kimpin Meri Darah Perdana 2014 ke diatur begulai enggau Komiti Pemansang Nembiak Bagi Menua Sri Aman, Unit Rama Opis Residen Bagi Menua Sri Aman enggau Sepital Sri Aman ba Dewan Suarah ditu kemari.

Chairman Komiti Pemansang Nembiak Sri Aman ke mega Sapit Residen Pengawa Rama Bagi Menua Sri Aman, Hamdan Katang madahka, program meri darah ke diatur nengah chara begempung nya deka nyadi atur pengawa ninting taun komiti nya belabuh ari taun tu.

Ku iya, kenyau penumbuh Komiti nya kena ujung bulan Januari ti tadi, sida udah mujur ngatur dua bengkah atur pengawa ke besai baka Pekit Bintang Kecil enggau Pekit Nyura 2014 kena bulan Februari tu tadi.

"Program meri darah ke diatur sekali tu mega program ti ketiga ke diatur komiti nya bekerejasama enggau Unit Rama, Opis Residen Bagi Menua Sri Aman enggau Sepital Sri Aman," ku iya lebuh ke dikerandau pengudah program nya di tu kemari.

Ku iya, nangkan ke tu, komiti pemansang nembiak nya mega deka ngatur Pentas Budaya Ria ke deka mantaika atur pengawa baka begendang, betanda, pekit karaoke, Basking enggau pekit senamria, ke alai atur pengawa nya dipejalai begulai enggau raban ari Radio Televisyen Malaysia (RTM) Sri Aman, Opis Nembiak Lumba enggau Main Bagi Menua Sri Aman, Opis Pemansang Rama enggau Kandang Nengeri (PPSU) Sri Aman enggau Kelab Kecergasan Sri Aman.

Lebuh ke ngenang sentang kimpin meri darah nya, Hamdan madah, asil ari kimpin ke diatur nya, sida mujur ngumpul 31 pain darah ari mensia mayuh. Darah nya udah diserahka ngagai raban Sepital Sri Aman.

"Nengah kimpin tu, kami meda majak mayuh mensia mayuh datai nyukung kimpin tu.

"Sida nemu, darah ke diberi kitai nya ulih dikena nyelamatka mayuh nyawa enggau orang ti amat begunaka nya," ku iya.

Sama bisi ngulu program nya, Direktor Sepital Sri Aman, Dr. Hayati Ja'aar enggau Presiden Simanggang Benak Riders Club (SBRC), Jamali Safri.

Tiada ulasan:

Catat Ulasan

ads