Isnin, 13 Januari 2014

11 di mukah sarawak - Google Blog Search

11 di mukah sarawak - Google Blog Search


JPS: Lima buah sekula <b>di</b> pelilih <b>Mukah</b> enggau Sibu mengkang <b>...</b>

Posted: 06 Jan 2014 02:15 PM PST

KUCHING: Naka pukul 3.00 lemai kemari, lima buah sekula di pelilih Mukah enggau Sibu mengkang ditutup ketegal ampuh bah.

Nitihka penerang ari Opis Pelajar Sarawak (JPS) semua lima buah sekula ke ditutup iya nya SK Kg KLID/Plajau Dalat di Mukah enggau SK Nanga Bon, SK Ulu Sengan, SK Sg Salim enggau SK Nanga Nirok Kanowit di Sibu.

Sepenyampau 420 iku nembiak ari kelelima sekula kena bungkur penusah ke alai sekula sereta jalai nuju sekula mengkang ampuh bah.

SK Kg KLID/Plajau bisi 89 iku nembiak, SK Nanga Bon (83), SK Ulu Sengan (88), SK Sg Salim (106) enggau SK Nanga Nirok  (54).

Ai ti ngampuhka SK Kg Tegageng Subis di Miri ke ampuh ai sebedau tu udah surut lalu sekula disadang dibuka dalam awak ke semak.

Nitihka ripot ti dipansut Opis Pengemata Gaya Hari (Meteorologi), dalam timpuh 7 hari tu, gaya hari di Nengeri Sarawak mengkang mambam ba sekeda kandang menua lebih agi ba menua pesisir ari lemai nyentuk ke malam, lalu ba kandang nebing tasik gaya hari disadang mambam muak ke pagi.

Naka pukul 4.00 lemai kemari, imej radar enggau satelit mandangka tumpuk mua hari dipeda mayuh ba bagi Limbang enggau sekeda kandang endur tengah Sarawak.

Berindik ari nya Meteorologi Malaysia mansutka jaku tangkan, ribut enggau ujan lebat disadang nyadi di Limbang nyentuk ke lemai kemari.

Gaya hari ke sama mega disadang nyadi di bagi Miri, Bintulu enggau Kapit (pelilih  Belaga).

Kenyau ari 20 Disember 2013 nyentuk ke kemari, penyampau 137 kandang endur udah  ampuh bah lalu nya nyengkaum pelilih Miri, Sri Aman, Bintulu, Samarahan, Kuching, Betong, Sibu, Mukah enggau Sarikei.

Sepenyampau RM215,045 bantu pemakai udah dianjung ngagai urung 3,798 ruang bilik ti mungkur 21,164 iku raban orang diserata Sarawak.

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Tiada ulasan:

Catat Ulasan

ads