Ahad, 12 Januari 2014

11 di miri sarawak - Google Blog Search

11 di miri sarawak - Google Blog Search


Gerempung Gerija <b>Sarawak</b> deka ngatur &#39;<b>Miri</b> City Christmas <b>...</b>

Posted: 09 Jan 2014 08:24 AM PST

MIRI: Gerempung Gerija Sarawak, Pampang Miri deka ngatur Miri City Christmas Thanksgiving Open House ti keterubah endar, kena Hari Enam tu,11 Januari ba Sta­dium Tetutup Miri.

Pengerami ke belabuh ari pukul 3.00 lemai nya diatur raban pengatur pengawa endur mandangka pengaga ati ke pemujur atur pengawa ninting taun, pengawa bejalai bebala mayuh Bandaraya Miri, bulan siti nyin tadi.

Ku tukang pengerembia berita, raban pengatur pen­gawa nya, Petrus Lasong, Miri City Christmas Thanks­giving Open House nya diatur ngambi nyadika palan endur peranak menua Miri begulai ngintu pengerami nya seraya nutup Hari Krismas taun 2013.

"Kelimpah ari nya mega ulih ngenegapka kaul per­anak menua Miri taja pan bebida ari segi bansa, batang pengarap enggau penatai ngambika sama ulih begulai nyambut pengerami nya nen­gah konsep rumah tebuka," ku iya.

Rumah Tebuka nya dibuka ngagai semua mensia di Miri lalu dipelabaka urung 5,000 iku deka datai ngulu pengerami nya.

Sekeda main ke deka dipe­jalaika maya nya nyengkaum mantaika tanda, makai sereta beperindang enggau sekeda raban gerija di Miri.

Berebak enggau nya ila, raban pengatur pengawa deka nyuaka bantu ngagai Tunas Bakti Miri, charity body ba menua nya sereta nyuaka bantu ngagai orang ke dituntung penusah Typhoon Haiyan di Filipina.

Bantu nya deka disua­ka Chairman Gerempung Gerija Sarawak, Pampang Miri, Archdeacon Solomon Cheong.

"Raban pengatur pengawa mega arapka, nengah atur pengawa nya, peranak menua Miri ulih meda chara raban Keristin ke datai ari mayuh bengkah pupu raban bansa begulai enggau likun taja pan bebida penatai diri," ku Petrus.

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Tiada ulasan:

Catat Ulasan

ads