Jumaat, 13 Disember 2013

11 di betong sarawak - Google Blog Search

11 di betong sarawak - Google Blog Search


Doris: Penumbuh pampang PRS <b>di Betong</b> deka ngenegapka BN <b>...</b>

Posted: 04 Nov 2013 07:03 AM PST

BETONG: Ketuai Indu Parti Rakyat Sarawak (PRS) Datuk Doris Sophia Brodie madah, pampang PRS ditumbuhka ba Layar Betong, ngambika ulih nyaup parti komponen Barisan Nasional (BN) ba sitak nya.

Ku iya, PRS deka begempung mantu pengari rayat BN ti ngarika Parti Pesaka Bumiputera Bersatu (PBB) di Parlimen Betong maya Pengawa Bepilih Kunsil Nengeri (DUN)) tu ila.

"Kebuah PRS ditumbuhka ditu (Layar) kena nentuka Parlimen Betong nyengkaum dua sitak DUN ti diarika PBB dikuasa BN belama.

Kami deka begempung enggau parti komponen bukai ngambika BN teulih majoriti undi ke mayuh ba Pengawa Bepilih Nengeri ila," ku iya.

Iya bejaku munyi tu lebuh ti numbuhka komiti Protem PRS Bagi Layar, ke alai teks jaku iya dibacha Mandal Chairman Indu PRS Roseline Neging, ba sebengkah restoren di Pasar Betong ditu, ensanus.

Chairman Protem PRS Layar iya nya Edward Augustine.

Beserimbai enggau pengerami nya, Doris meri duit ari kuchik iya empu RM1,000, ngagai Pampang Indu Bagi Layar ngambika bisi dikena sida bejalaika pengawa.

Doris mega mesan PRS Bagi Layar ngambika sida suah agi betemu enggau rayat ninting Pengawa Bepilih, nyaup chalun BN ngambika ulih menang enggau majoriti ke besai.

Sama bisi ngulu pengerami nya, dua iku Sekretari Politik Kepala Menteri Sarawak, Angeline Umih enggau Richard Will Uban sereta Exco Indu enggau Nembiak Kunsil PRS.

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Tiada ulasan:

Catat Ulasan

ads