Rabu, 30 Oktober 2013

11 di bau sarawak - Google Blog Search

11 di bau sarawak - Google Blog Search


<b>Bau</b> deka nyadi sebengkah palan pengumbai temuai – BorneoPost <b>...</b>

Posted: 26 Oct 2013 09:32 AM PDT

by Chris Bishop. Posted on October 27, 2013, Sunday

DIPENYADI: Nansian ngempat riben lalu ngelepas gelembung kelai bejadi Pesta Jong Regatta 2013 di Tasik Biru, Bau kemari.

Bandar Bau ke tebilang dulu menya dikumbai Bandar Emas deka didirika genturung Hakka enggau muzium lumbung emas

BAU: Atur ngangkatka pelilih Bau nyadi palan dagang temuai bepelasarka main asal ke tebilang di menua tu deka chakah agi dipejalai, ku Kaban Kunsil Nengeri Tasik Biru Datuk Peter Nansian.

Iya ke mega Menteri Muda Tanggung Pengawa Raban Bansa madah juluk nya deka mudah dijapai ketegal Bau ngembuan mayuh macham pengerami bansa asal ti ngarika tiap pupu bansa.

"Pemayuh atur pengerami ti ngarika tiap pupu bansa deka meri pangka ti besai ba industri dagang temuai lalu enti ditusun enggau manah, Bau deka nyadi sebengkah palan dagang temuai main asal ti tebilang.

"Di Bau, kitai bisi Gawai Festival ti diintu ninting taun di palan REDEEM. Chap Goh Mei ke nyadi sebengkah pengerami bansa China mega diintu besai ditu.

"Kelimpah ari nya, Gua Angin enggau Gua Pari Pari tau matak raban temuai datai lalu Bau mega ngembuan mayuh bukit batu ti tau dikemansang nyadi kampung batu nyemaka menua China," ku iya.

Iya mansutka jaku tu ba sebengkah aum pengarang berita pengudah bejadi Pesta Jong Regatta 2013 di Tasik Biru, Bau kemari.

Ngeranchak perambu nya, Nansian netapka pesta nya deka digaga besai agi ba taun 2014 ke alai lumba rakit enggau perau langkan deka dipekit lalu disadang matak mayuh agi penyereta.

Ku iya, dalam taun 2014 pesta ke udah diatur kenyau ari taun 2009 nya deka diganti enggau nama "Pesta Jong and Rakit Regatta" lalu mayuh macham main enggau lumba deka ditambah ungkup ngerami pesta.

Nansian mega madah sebengkah perambu numbuhka Muzium genturung pendiau bansa Hakka ke datai ari menua China ketegal gawa ba lumbung emas Tasik Biru kelia benung ransing diperundingka diatu.

"Ba penemuai aku ngagai China bedau lama tu tadi, aku bisi ngelawa sebuah rumah asal bansa Hakka ti dikumbai 'Toulu'.

"Kitai merambu numbuhka sebuah rumah ke sama (Toulu) di Bau endur ngempuru main asal bansa Hakka ke udah lama nguan menua tu.

"Tembu ila, aku pechaya rumah nya ulih matak mayuh agi orang datai ngagai Bau lalu meretika pengidup bansa Hakka," ku iya seraya ti madah perambu nya setipak enggau jaku gerah Kepala Menteri tiga taun ke udah ti minta genap pelilih menua merambu program pemansang ungkup menua diri.

Perambu benung ditusun, kitai benung ngira ungkus lalu udah nya deka nentuka palan endur numbuhka Toulu, tandu iya.

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Tiada ulasan:

Catat Ulasan

ads