Jumaat, 17 Mei 2013

11 di sri aman sarawak - Google Blog Search

11 di sri aman sarawak - Google Blog Search


BLOG SARAWAK: 11 <b>di sri aman sarawak</b> - Google Blog Search

Posted: 01 May 2013 01:15 PM PDT

Klik GAMBAR Dibawah Untuk Lebih Info
Klik GAMBAR Dibawah Untuk Lebih Info
URL Sumber Asal :-

Rayat <b>Sri Aman</b> aruh nyukung Masir - The Borneo Post Online

Posted: 26 Apr 2013 05:22 PM PDT

Posted on April 27, 2013, Saturday

SRI AMAN: Menteri Muda Pemansang Menua Pesisir enggau Pengawa Berumah Sarawak, Datuk Francis Harden Hollis minta rayat di sitak parlimen Sri Aman meri sukung ngagai chalun Barisan Nasional (BN) Masir Kujat, ba Pengawa Bepilih Besai Ke-13 (PRU13).

Ku iya, sukung ke tegap ngagai chalun BN amat beguna dikena nentuka sitak BN terus dipenggi BN sereta projek pemansang ulih terus dipejalaika dalam kandang lima taun ke deka datai.

"Ngambika Parlimen Sri Aman menang besai, aku minta rayat di sitak tu meri sukung ti tegap ngagai chalun kitai maya nyunting keretas undi kena 5 Mei ila.

"Sukung tu beguna dikena ngenukuka mayuh agi pemansang dipejalaika ba Parlimen Sri Aman dalam timpuh lima taun ti deka datai," ku iya.

Harden ke mega Kaban Kunsil Nengeri (ADUN) Simanggang mansutka penemu iya lebuh dikerandau pengudah ngulu pengerami betemu enggau rayat ti diatur ba Rumah Jini, Genturung Pendiau Spatak Undop ditu kemari.

Ku iya, dalam beberapa taun ke udah, mayuh ubah dipejalaika ba Parlimen Sri Aman nyengkaum projek ngaga Sepital Baru Sri Aman, ngemanahka Loji Bayai enggau pemansang ke bukai.

"Semua pemansang ke dipeda rayat seharitu iya nya projek ari BN ukai ari piak penyakal. Dalam timpuh lima taun ti deka datai perintah mega ngembuan perambu mayuh bengkah projek di Parlimen Sri Aman.

"Nya alai nadai kebuah rayat enda nerima perintah BN, laban pemansang ke dipejalaika BN udah nyadi nyata sereta udah dipeda, semina BN ke ulih mai ubah pemansang," ku iya.

Nambahka nya ku iya, rayat Sri Aman arap bendar Parlimen Sri Aman terus nyadi kubu kuat BN ba kandang menua nya lebih agi Masir Kujat ke nyadi chalun BN ulih mai mayuh pemansang ba kandang menua nya udah tu.

Beri meh sukung ngagai iya (Masir) maya PRU Ke-13, dikena nentuka BN terus megai Parlimen Sri Aman, ku iya.

Bela datai ba pengerami nya, Pegawai Opis Betanam Betupi Bagi Menua Sri Aman, Badin Unol, Penghulu Micheal John Sanggup, sereta tuai raban bansa kebukai.

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Tiada ulasan:

Catat Ulasan

ads