Selasa, 26 Februari 2013

11 di lubok antu sarawak - Google Blog Search

11 di lubok antu sarawak - Google Blog Search


Semina BN aja ngemeratka pengelantang rayat <b>...</b> - my <b>Sarawak</b>

Posted: 21 Feb 2013 01:21 PM PST

Peranak menua sitak Parlimen Lubok Antu dilalau nyukung pengari Barisan Nasional maya PRU13 tu

LUBOK ANTU: Kaban Kunsil Nengeri (ADUN) Engkilili Dr Johnnical Rayong anak Ngipa ngelalau peranak menua ari sitak Parlimen Lubok Antu terus meri sukung ke penuh ngagai chalun Barisan Nasional (BN) ba Pengawa Bepilih Besai ti Ke-13 (PRU13) tu ila.

Ku iya, rayat Lubok Antu nyengkaum Engkililii mengkang begunaka perintah BN ngemaju sereta bejalaika mayuh bengkah projek pemansang ngambi pulaika pengelantang pengidup sida.

Beri meh sukung penuh ngagai Kaban Parlimen Lubok Antu William Nyalau anak Badak enti sema iya dikearapka ngetanka penuduk BN ba pengawa bepilih besai tu ila.

"Nyalau seiku pengari rayat ukai semina suah begulai enggau rayat tang chakah ngemansangka sitak Parlimen Lubok Antu, nya alai sukungan meh iya ila," ku iya.

Dr Rayong bejaku munyi tu ba Pengerami Ketuai Begulai Enggau Rayat di rumah panjai Medan, Nanga Pan, Lubok Antu, apin lama ke udah.

Atur pengawa nya udah dipenyadika Nyalau ke mega digulu ADUN Batang Ai Malcom Mussen Lamoh.

Ku Dr Rayong, pengelantang idup rayat di sitak Parlimen Lubok Antu semina ulih dikemataka perintah BN ke mayuh endar peneleba megai sereta ngemansangka menua tu .

"Aku arapka rayat ditu nemu semina perintah BN aja ulih nyungkak tikas pengidup kita semua enda ngira bansa enggau jalai pengarap," ku iya.

Sama bisi ngulu pengerami nya, Injinir Opis Kereja Raya (JKR) Pelilih Sri Aman Cassidy Morris, Pemesai RELA Pelilih Mit Lubok Antu, Leftenan Kolonel Silon Janda, Pemantu Luar Kanan JASA N.

28 Engkilili Encik Edwin ak Ancheh enggau bala ketuai raban bansa ba kandang menua Engkilili.

Category: Berita Iban, Sarawak

Tiada ulasan:

Catat Ulasan

ads