Isnin, 10 Disember 2012

11 di lubok antu sarawak - Google Blog Search

11 di lubok antu sarawak - Google Blog Search


Larry napi Nyalau <b>di Lubok Antu</b> maya PRU13 tu? – BorneoPost <b>...</b>

Posted: 03 Dec 2012 03:04 PM PST

Posted on December 4, 2012, Tuesday

KUCHING: Bisi pengamat tauka enda berita ke selebubu ti madahka Presiden Sarawak Workers Party (SWP) Larry Sng deka betapi enggau Kaban parlimen Lubok Antu, William Nyalau Badak ari Parti Rakyat Sarawak (PRS) maya Pengawa Bepilih Besai tu ila?

Sekeda peranak menua Lubok Antu madahka Larry, Kaban Kunsil Nengeri Pelagus ke suba benung bekimpin ba sitak nya laban iya ngasaika diri ulih menang ba sitak nya betapi enggau Mandal presiden PRS, Nyallau ke mega dua renggat udah nyadi pengari rayat ba sitak nya.

SWP udah suah endar nandu madahka diri deka ngelaban PRS ba enam sitak ti ungkupka Barisan Nasional (BN) ngagai parti nya. Kelimpah ari Lubok Antu, SWP mega deka betapi enggau PRS ba sitak Selangau, Julau, Kanowit, Sri Aman enggau Hulu Rajang.

Berita selebubu mega madahka Ketuai Indu SWP Josephine Mawat diatu benung betatika sitak Selangau ke diarika Sapit presiden PRS ke mega Sapit Menteri Pemansang Menua Pesisir enggau Pelilih Menua Besai,Datuk Joseph Entulu Belaun.

Berita selebubu tu ngerembai berindik ari pengawa Larry enggau Josephine ke suah dipeda ayan ba kededua sitak nya ngulihka sukung.

Bisi mega berita selebubu ti madahka parti nya sebedau tu ngembuan sebuah lagu patriotik kediri ke ngembuan leka lagu ti madahka sida deka nulung nembiak enggau orang ke udah graduate begigaka pengawa sereta nyendiaka bungkur insuran.

Bisi mega didinga berita madahka parti nya deka ngembuan dua buah helikopter enda lama agi, ngambika bisi dikena sida bekimpin ba menua pesisir.

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Anang nyerahka <b>Lubok Antu</b> ngagai peranak luar – BorneoPost <b>...</b>

Posted: 06 Dec 2012 03:03 PM PST

Posted on December 7, 2012, Friday

LUBOK ANTU: Kaban Par­limen (MP) Parlimen Lubok Antu William Nyalau anak Badak ngingatka bala pen­gundi di Lubok Antu anang sesekali nyerahka Parlimen Lubok Antu nya diarika pengari rayat ukai peranak Lubok Antu.

"Parlimen Lubok Antu tu aruh diarika pengari rayat Ba­risan Nasional (BN) ke mega peranak Lubok Antu sereta Bumiputera Dayak," ku iya

Nitihka pelasar politik men­ua enti majoriti peranak menua nya bansa Dayak pengari rayat Dayak aruh nyadi pengari rayat.

"Tu ukai sengaja deka be­jaku pasal bansa tang nya mih pelasar politik menua kitai diatu, keba nya mih kebuah Lubok Antu aruh diarika penagri rayat ari Bumiputera empu," ku iya madah ngagai Utusan Borneo, ditu.

Nyalau bejaku munyi nya ngenang pengingin Presiden Parti Pekerja Sarawak (SWP) Larry Sng Wei Larry ti deka nguji nasit betanding ngelaban iya di Parlimen Lubok Antu ba pengawa bepilih besai ti deka datai tu ila.

Ku iya, rayat Lubok Antu aruh ngelaban 'orang luar' kena ngetanka pemanah poli­tik di Lubok Antu.

Anang sesekali mudah dibeli orang luar tu enggau duit ring­git kena nyaga pemanah diri empu, tambah iya.

Tambah mega majoriti rayat ke diau di Lubok Antu tu ansa Bumiputera Dayak nya alai Lubok Antu aruh diarika pengari rayat BN Bumiputera Dayak empu.

Nyalau ngingatka bala pen­gundi-pengundi anang mudah kena panjuk semaya manis SWP ti deka meri insuran ngagai raban parti nya.

Ku Nyalau pengari rayat ukai peranak Lubok Antu serta ukai bansa Bumiputera Dayak enda lurus ati ngema­juka Lubok Antu enti diberi peluang nyadi pengari rayat ditu ila.

Niat 'orang luar' ti deka nguji nasit betanding aba sitak majoriti bansa Iban semina deka nguntungka politik iya aja, kenu ku iya.

"Keba mih peranak Lubok Antu empu aruh nyadi pen­gari rayat ditu laban iya lurus ati sereta nemu penusah ti ditapi kaban enggau bansa iya empu.

Nyalau mega meri terima kasih ngagai rayat enggau tuai-tuai raban bansa di Lubok Antu tegal ti nyukung iya ngelama tu.

Ku Nyalau, kenyau sepeng­gal nyadi pengari rayat BN di Lubok Antu mayuh projek besai digaga baka Projek Jalai Ulu Skrang, Projek Jalai Lubok Subong ke Sekunyit, Palan Pemeresi Ai Baru Lubok Antu, Kompleks Imigresyen, Kastam, Kuarintin enggau Pengelikun (ICQS) ba adan Sarawak – Kalimatan, Indo­nesia, Tiga Sekula Primari, Balai Polis Lubok Antu, Bekal Elektrik enggau Ai di rumah panjai aba kandang menua pesisir Lubok Antu.

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Tiada ulasan:

Catat Ulasan

ads