Rabu, 28 September 2011

11 di kanowit sarawak - Google Blog Search

11 di kanowit sarawak - Google Blog Search


Tuai raban bansa <b>di Kanowit</b> minta status NCR | BorneoPost Online <b>...</b>

Posted: 05 Sep 2011 06:35 PM PDT

Posted on September 6, 2011, Tuesday

SIBU: Seraban 200 iku tuai bilik enggau tuai raban bansa ngarika 18 buah rumahpanjai ba Ulu Ngemah Kanowit minta tanah sida diberi sta­tus Tanah Adat Bansa Asal (NCR).

Tuai Rumah Magai Saw­ing madahka, sida udah nganjung peminta ngagai Opis Tanah enggau Penyukat ngambika nyukat perimeter tanah sida lalu diberi status tanah NCR.

"Nya mih siti ari tuju num­buhka Protem Orang Asal Ba Ulu Ngemah (PPAUN) kelimpah ari ti deka netapka orang patut beempuka tanah pesaka ba genturung menun Ulu Ngemah," ku iya lebuh ti berandau enggau pengarang berita apin lama ti udah.

Ku Magai, tebal agi sida nya asal ari menua genturung Ulu Ngemah diau mendam ba Skim Palan Berumah Baru Nanga Ngungun, Nanga Jagau, Nanga Skuau enggau sekeda rumah panjai nebing batang Ngemah.

Lebuh ti ngenang PPAUN Magai madahka iya empu ti nyadi Chairman protem deka nemu orang ti beem­puka tanah asal ba gentu­rung menua Ulu Ngemah. Udah nya iya deka nganjung peminta ngambika tanah nya disukat.

Enti nitihka rikod, menua Ulu Ngemah nya keterubah endar diuan dalam taun 1910.

Pekara ulih ditetapka nengah dokumen lama sereta pesaka ti ditinggalka aki ini sida kelia ti mengkang diintu sida nyentukka seharitu.

Pesaka ti agi diintu sida nya nyengkaum tanah pemakai menua tauka pulau galau tanah temuda tauka jerami enggau pendam lama ti agi bisi nyentukka seharitu.

Taja pia urung taun 1970, mensia mayuh ba Ulu Ngemah dipindahka ngagai Skim Palan Berumah Baru ti dipejalaika Rejang Area Security Com­mand (RASCOM) ketegal dikachau komunis.

Pengulu Ambrose Digat lebuh ti ditanya bekaul eng­gau pengawa numbuhka PPAUM, iya madahka diri empu nadai penanggul sereta nyukung raban nya.

Ku iya, pekara nya patut dikemeranka ari suba, ngambi tau pulaika pengelantang semua ngengkaum orang ti nguan menua Ulu Ngemah.

Sama bisi enggau num­buhka protem nya, Kennedy Entili ke lalu nyadi Pemesai Penyambung (PR) PPAUN.

Tiada ulasan:

Catat Ulasan

ads